КИТАЙСА РАБОЧӦЙЯС ЧУКСАСЬӦНЫ

Пекин. Став китайса кӧрт туй вылын уджалысьяслӧн профсоюзыс ыстіс Амстердамса Интернационал секретар ним вылас телеграмма. Телеграммаас гижӧма: китайса рабочӧйяс бастуйтӧны кӧкъямысӧд вежон нин. Овны налы лунысь-лун пыр сьӧктӧдӧ. Сёян-юан вочасӧн бырӧ. Отсӧг бокисянь локтӧ зэв омӧля. Ті лӧсьӧдінныд та йылысь сёрнитны коркӧ мӧдысь. Китайса рабочӧйяслы тіян лӧсьӧдӧмныд зэв сьӧлӧм вылас эз во. Регыдджык отсалӧй китайса рабочӧйяслы. Петкӧдлӧй ассьыныд уджнытӧ. Ті шуанныд: ми пӧ олам став мувывса рабочӧйяс дор, зілям ӧтвылысь водзсасьны капиталистъяскӧд. — Мед жӧ тіян шуӧмныд прӧста эз ло!