КЫК ШЫР

«Выльтор ме кывлі, муса ань:

Лёк Ошлы гыжйӧ сюри Кань!

Дерт, Ошкыд сэсся вӧрӧ сійӧс нуис

Дай сэні сёйис пырысь-пыр!»

Тадз ичӧт Шыр дзор пӧрысь Шырлы шуис,

Зэв долыдысла ворсӧ аслас вир.

Дзор пӧрысь Шыр том Шырлы шуис воча:

«Мый сӧран, ичӧт ныв!

Дзик некытчӧ оз лӧсяв тэнад кыв!

Ме татшӧм сӧрӧмъястӧ кывлывла зэв шоча.

Кӧть ыджыд Ош,

Да Каньлӧн выныс эз на вош.

Кор сійӧ лэчыд гыжсӧ лэдзас,

Лёк Ошлы оз ло сэки шань.

Пыр сійӧ Ошсӧ вур-вар вӧчас:

Быд зверӧс вермӧ сёйны Кань!»...