Рӧмпӧштанысь асьсӧ

Аддзис Васька кань:

«Код нӧ киссьӧм пасьнас

Сэн, ерӧмакань?

Пельыс вожа йыла,

Тшӧтшӧдӧма ус.

Еджыд галстук вылас

Кӧвъялӧма бус.

Пачесайтӧм ныра,

Кардъялӧма бӧж,

Быттьӧ асьсӧ шырыс

Нӧйтӧма во чӧж.

Нӧшта ӧд и нерсьӧ,

Пӧлӧсталӧ юр.

Тайӧ мисьтӧм зверсьыс

Оз нин лолы бур».

Дӧзмис Васьӧ-касьӧ,

Рӧмпӧштанӧ — зёль!

Киссьӧм гӧна пассьыс

Нинӧмыс эз коль.

Сійӧ ачыс том на,

Быдтор вылӧ дась.

ӧти керка помын

Тырмас ӧти Вась.