ПЕКИНЫН ЛЫЙЛӦМАӦСЬ УДЖАЛЫСЬ ЙӦЗӦС

50 морт виӧма, 70 морт ранитӧма

Пекин. Капиталист государствояс мӧдӧдӧмаӧсь Китайлы нота, тшӧктӧны восьтыны Таку порт. Пекинса уджалысь йӧз март 18 лунӧ вӧчлісны демонстрация капиталистъяслы паныд мунӧм йылысь. Демонстрантъяс воисны Дуань Цижуй (пекинса правительствоын юралысьыс) оланінӧ. Дуань Цижуй повзьӧма да тшӧктӧма лыйлыны демонстрантъясӧс. Виӧма 50 морт, 70 морт ранитӧма. Став Китайса ужалысь йӧз шызьӧмаӧсь Дуань Цижуй вылӧ. Пекинса студентъяс лэдзӧмаӧсь воззванньӧ, тшӧктӧны вештыны пекинса правительствосӧ. ТАСС.