УДЖДЫСЯН ТӦВАРИЩЕСТВОЛӦН УДЖЫС КУСІ

Председательыс пырис саломщикӧ

Зӧвсьӧртын (Емдін уездын) колян во лӧсьӧдісны «Ульянов-Ленин» нима удждысян тӧварищество. Сійӧ вель уналы удждавліс сьӧм. Воис срок мынтавны уджйӧзсӧ, сӧмын некод оз мынтав сійӧс. Сельскокӧзяйственнӧй банк важ уджйӧзсӧ мынтытӧм вӧсна выль пӧвсӧ сьӧм оз сет. Тӧвариществолӧн уджыс кусі.

Ог тӧд, кодӧс нин тані мыжавнысӧ. Ме чайта, правленньӧыс татшӧм уджад абу жӧ мыжтӧм. Сетас мӧс ньӧбӧм вылӧ 15−20 шайт, мӧскыс сулалӧ 80 шайт. Мӧссӧ ньӧбны оз вермыны сетӧм сьӧм вылад да, мӧс пыдди ньӧбӧны сёян-юан.

Правленньӧсьыс председательыс май тӧлысьын пырис саломщикӧ. Уджсӧ тӧвариществоыслысь некодлы эз сет. Ӧнӧдз на эз чукӧртлы собранньӧ правленньӧас йӧзӧс бӧрйӧм вӧсна.

Курыд.