КУВТӦДЗНЫС КӦСЙӦНЫ КОСЯСЬНЫ МЕЗДЫСЬӦМ ВӦСНА

Париж. Францияса коммунистъяс газетӧ «Юманитэ» нима печатайтӧмаӧсь рифса вождьлысь Мароккоын, Абд-Эль-Керимлысь, письмӧсӧ. Сійӧ письмӧсӧ Абд-Эль-Керимыс гижӧма францияса парламентлы. Сэтӧн сійӧ шуӧ: став мыжыс пӧ война панӧмысь Мароккоын усьӧ францияса правительство вылӧ. Ми пӧ пыр кӧсйылім дай кӧсъям Франциякӧд овны ӧтсӧгласӧн. Сэсся помас гижӧ: рифъяс пӧ кӧсйӧны кувтӧдзыс косясьны францияса капиталистъяс кипод улысь мездысьӧм вӧсна.