ВИСДІНСА ПРӦМЫС ТӦВАРИЩЕСТВО

Висдінса прӧмыс тӧварищество (Емдін уездын) заводитіс уджавны 1924 воын январ тӧлысьын. Первой кадас тӧвариществоыс заводитліс вузасьны. Ӧні прӧмыс кооперация устав серти вузасянінысь дугдісны.

1925 воын февраль тӧлыссянь юнь тӧлысьӧдз тӧвариществоыс договор серти вӧчис Северолеслы 50 пыж.

Ӧні юнь 1-ӧд лунсянь заводитісны вӧчны кирпич. Юль дасӧд лунӧдз вӧчисны нин 50000 кирпич. Кирпич вӧчан уджыс пыр на мунӧ. Ставсӧ кӧсйӧны вӧчны 120000 кирпич кымын. Кирпичсӧ вӧчӧны Обместхозлы. Неважӧн вӧчисны кирпич косьтан сарай, кузьтаыс сё сажень, пасьтаыс 3½ сажень. Тӧвариществолӧн удж пыр ӧтарӧ бурмӧ. Став шленыс 11 морт.

М. Лютоев.