КИТАЙСА РАБОЧӦЙЯС МЕЗДЫСЬӦНЫ ПОН КОДЬ ОЛӦМЫСЬ

ПЕКИН. Шанхайса профсоюзъяслӧн Сӧветыс текстильщикъяс профсоюзкӧд (быдпӧлӧс матерйӧяс вӧчан фабрикаясысь уджалысьяслӧн профсоюзыс) японияса фабрикантъяслы ыстісны гижӧд. Сійӧ гижӧдас найӧ корӧны фабрикантъяслысь: шанхайса профсоюзъяслы сетны права дорйыны рабочӧйясӧс, мездыны рабочӧйяссӧ увтыртӧмысь; Шанхайын виӧм рабочӧй семьяяслы сетны сьӧм, уджалысьыс налӧн некод эз коль да; мыждыны виӧмсьыс мыжа йӧзсӧ; содтыны уджалан дон 20 прӧчент; мынтыны тыр дон бастуйтӧм кадсьыс. Ӧнӧдз сійӧ корӧмъяс вылас фабрикантъяс эз на сӧгласитчыны.