АНГЛИЯСА ВОЙСКА ЛЫЙЛӦНЫ КИТАЙСА ЙӦЗӦС

ПЕКИН. Кантонса губернатор ыстіс англияса консуллы нота. Сійӧ нотаас гижӧ: англияса войска да пӧлича пӧ дзик некутшӧм мыжысь лыйлісны винтовкаясысь да пулемётъясысь демонстрация вылӧ петӧм китайса йӧзӧс. Сэсся нотаас гижӧ: лыйлыныс пӧ мукӧд государствоса власьтъяс Кантонын гусьӧн сёрнитӧмӧн лӧсьӧдчылӧмаӧсь водзвыв нин.

Англияса консул ыстіс паныд нота. Сэні консулыс гижӧ: китайса йӧзыс пӧ лыйсьыныс заводитісны войдӧр да, став мыжыс пӧ усьӧ китайса йӧз вылас. Сэсся консулыс тшӧктӧ, медым англияса йӧзсӧ китайса власьтъясыс видзасны китайса йӧзысь.