КАПИТАЛИСТЪЯС ЫЛӦДЧӦНЫ

Кантон. «Рейтер» агентство юӧртӧм серти, Кантонын вӧлі кось китайса йӧзлӧн мукӧд государствоса войскакӧд. «Рейтерыс» юӧртӧ, быттьӧкӧ пӧ китайса йӧзыс лыйсьынысӧ заводитісны войдӧр; англияса да францияса матросъяс пӧ сӧмын пулемётъясысь бӧрыннас кутісны лыйлыны. Лыйсьӧмаӧсь кызь минут. Лыйсигас виӧмаӧсь ӧти французӧс да нёль англичанинӧс. Китайса йӧз виӧм лыдсӧ оз гижны. Тайӧ китайса йӧзӧн лыйсьыныс заводитчӧмсӧ, буракӧ, нарошнӧ паськӧдӧны, мед Гоминьдан партиялысь правительствосӧ вермасны кокньыдджыка шыбитны.