СЁРНИТІСНЫ, ДА НИНӦМӦ ЭЗ ВОНЫ

Капиталистъяслӧн горшныс паськыд

Пекин. Ӧні муніс сёрни китайса правительство да мукӧд государствоса представительяс кост Пекинын. Та кузя лӧсьӧдӧма вӧлі нарошнӧ торъя комиссия. Юнь кызьӧд лунӧ мукӧд государствоса представительяс юӧртісны йӧзӧс: китайса правительство пӧ вывті уна корӧ да, комиссияыс пӧ оз вермы сӧгласитчынысӧ, миян пӧ правительствоясным лӧсьӧдчынысӧ тадзсӧ эз тшӧктыны. Комиссияас сёрнинас нинӧмӧ эз воны. Сы вӧсна сёрнисӧ нуӧдӧмысь дугдісны.