ЧУКӦСТЧӦМ КИТАЙСА РАБОЧӦЙЯСӦС ДОРЙӦМ КУЗЯ

Коммунист Интернационаллӧн исполкомыс да профессиональнӧй Интернационаллӧн бюроыс ӧтвылысь ыстісны гижӧд Амстердамса Интернационаллы. Сэні гижӧны, китайса рабочӧйяс пӧ капиталистъяскӧд косясигӧн воисны зэв ыджыд нуждаӧ, олӧны тшыг нисьӧ пӧт. Китайса рабочӧйяс пӧ шыасьлісны нин ставмувывса уджалысь йӧз дінӧдз отсӧгла. Колӧ пӧ миянлы ӧтвылысь вӧчавны митингъяс, чукӧртны сьӧм китайса бастуйтысь рабочӧйяслы, найӧ семьяяслы. Сэсся гижӧны, колӧ пӧ чукӧртлыны сӧвещанньӧ ставмувывса организацияяссянь представительясӧн. Сэні пӧ колӧ сёрнитны китайса рабочӧйяслы ёнджык да мукӧд пӧлӧс отсӧг сетӧм йылысь.