МУКӦД ГОСУДАРСТВОСА КАПИТАЛИСТЪЯСӦС ВӦТЛАСНЫ КИТАЙЫСЬ

Вӧлӧма ыджыд демонстрация

Пекин. Юнь 15-ӧд лунын Пекинын вӧлі демонстрация. Сымда йӧзыс демонстрация вылӧ Пекинын некор на эз чукӧрмыв. Матігӧгӧрса сиктъясысь волӧмаӧсь демонстрация вылас зэв уна крестьяна. Демонстрацияыс мукӧд государствоса посолъяс олан уличаясті мунӧма гора шуалігтырйи: «Мед оз лоны англияса да японияса капиталистъяс-рӧзбойникъяс миянын», — «Шыбитам ас вылысь Англияӧн дзескӧдӧм».

Демонстрация вылын вӧліны став пекинса студентъяс (гырысь школаясын велӧдчысьяс) да купечьяслӧн организацияяс. Ставыс вӧлі 100 сюрс морт сайӧ.