КИТАЙСА ПРОФСОЮЗЪЯС СӦВЕТЛӦН ЧУКӦСТЧӦМ

Пекин. Ставкитайса профсоюзъяслӧн Сӧветыс, мукӧд капиталист государствоясӧн китайса йӧзӧс ёна дзескӧдӧм вӧсна, чукӧстчис став мувывса рабочӧйяс дінӧ. Чукӧстчӧмас гижӧма: китайса йӧзлӧн кыпӧдчӧм паськалӧмыс кутіс повзьӧдлыны став мувывса капиталистъясӧс. Став мувывса капиталистъяс кӧсйӧны китайса кыпӧдчысь йӧзсӧ пӧдтыны вир пытшкын. Дзонь вежон нин Шанхайын помала лыйлӧны да виалӧны китайса йӧзӧс англияса да америкаса пӧлича войскаясыскӧд. Китайса йӧз ставыс ӧтвылысь сувтісны став мувывса капиталистъяслы воча, дас кыкӧд лун нин найӧ бастуйтӧны. Тіян дінӧ, ӧтувтчӧм став мувывса рабочӧйяс дінӧ, ми, китайса рабочӧйяс, чукӧстчам, корам тайӧ сьӧкыд каднас отсавны кыдз верманныд миянлы. Мед оз лоны вир юысьяс — капиталистъяс! Мед став мувыв эмбуртӧмъясыс ӧтувтчасны!