БУР ТУЙ ТІЯНЛЫ

Миян войвылӧ медводз локтӧны, сьӧрсьыс тулыс, шоныд вайӧны. А ӧні, арнас, медбӧрын лэбӧны шоныд муясӧ. Тайӧ — сьӧд ракаяс. Найӧ чукӧртчӧмаӧсь ыджыд кельӧбӧ. Со, найӧ картупель муяс весьтті вӧчисны ыджыд кытш, прӧщайтчисны чужан муяскӧд да веськӧдчисны лунвывлань. Лэбисны выль тулысла, выль шоныдла.

Водзын — кузь да сьӧкыд туй!

Кодкӧ артавліс эз, кымынысь налы ковмас ӧвтыштны бордъяснас, кытчӧдз оз локны местаӧдзыс? Кодкӧ думыштліс эз, кутшӧм сьӧкыд лэбачьяслӧн тайӧ уджыс! ...Ӧвтчы, ӧвтчы бордъяснад, дугдывтӧг. Дугдан ӧвтчыны — пом воас. Шойччыны пуксян — тэнӧ некод оз виччысь, сёянтӧ некод оз сет, корсь ачыд! И висьны оз позь! Некод оз лечит.

И тадзи быд тулыс, быд ар!..

Бур туй тіянлы, лэбачьяс-пӧткаяс! Бур туй!

Ми виччысям тіянӧс!