ОЗ КӦСЙЫ ЮКСЬЫНЫ

Ме вӧлі кая ягӧ пач лысла. Друг кыла: менам юр весьтын рака лёкысь горзӧ. Видзӧдлі вылӧ да аддзи: ме весьтті уліті лэбӧны кык рака. Ӧтиыс лэбӧ лӧня, шытӧг, кыдзкӧ сьӧкыда ӧвтчӧ бордъяснас, а мӧдыс усьласьӧ сы вылӧ да кыдз вермӧ горзӧ... Со ӧтиыс пуксис матысса пожӧм вылӧ, а мӧдыс, кравзысьыс, усьласьӧ сы вылӧ да зільӧ пуксьыны сы дорӧ. Чӧв олысьыс лэбис водзӧ, мӧдыс — сы бӧрся. Тадзи некымынысь: ӧтиыс — пышйӧ, мӧдыс горзігтыр вӧтлысьӧ сы бӧрся. Кор ме матыстчи матӧджык, то аддзи татшӧмтор. Сійӧ ракаыслӧн, коді пышъяліс мӧдсьыс, вомас вӧлі быдса булки! Нинӧм он шу: чӧскыд сёян! Сы вӧсна и юксьыны ёртыскӧд оз кӧсйы!