Метрическӧй мурталанъясӧн муртасьӧм

Рочмувывса Совнарком 1918 воӧ 14-ӧд лунӧ сентябр тӧлысьын лэдзис декрет пыртны ас муас 1924-ӧд восянь тӧдмавны кузьта-сьӧкта метрическӧй мурталанъяс. Сэтшӧм мурталанъяс водзын мунысь государствоясын важӧн нин босьтӧма. Миян босьтӧны тшӧтш кокньыдыс вӧсна, да медым мукӧд государствояскӧд тӧргуйтігӧн эз ков ноксьыны вуджӧдавны ӧти ногӧн мурталӧмъяс мӧдӧ.

Метрическӧй мурталӧмын вуж пыддиыс босьтӧма метр — дас миллионӧд юкӧн нёльӧд юкӧн меридианысь.

Мукӧд мурталанъяс — муртавны му, нянь, кӧйдыс — лӧсьӧдӧмаӧсь метрысь жӧ. Кизьӧрторъяс мурталӧны литрӧн — сёӧд юкӧн куба метрлӧн. Нянь, шыдӧс, анькытш, сов мурталӧны граммӧн — миллионӧд юкӧн куба метр 4° сӧстӧм валӧн.

Посньыдджык, дженьыдджык, кокньыдджык торъяс муртавны метр, литр, грамм юксьӧны 10, 100, 1000 пельӧ; гырысьджык, сьӧкыдджык торъяс — 10, 100, 1000 пӧв унджык.

Гырысьджык да посньыдджык мурталанъясын вуж нимыс жӧ шӧрас, сӧмын поснияслы метр, литр, грамм водзвылас содтӧны: дасӧд юкӧнлы — деци-, сёӧд юкӧнлы центи- или санти-, сюрсӧд юкӧнлы — милли-; гырысьяслы — дас пӧв кӧ унджык — дека-, сё пӧв — гекто-, сюрс пӧв — кило-.

Сідзкӧ зэв этша муртасян ним колӧ ӧні тӧдны. Войдӧр мӧдарӧ — вывті уна ним вӧлі.

Кузьта мурталан:

Километр = 1000 метр = 468 саж. 2 арш. 1¼ вер.

Гектометр = 100 „

декаметр = 10 „

Метр = 1,41 арш. = 22½ верш.

дециметр = 1/10 метрлӧн = 10 сантиметр.

Центиметр = 1/100 метрлӧн = 10 миллиметр (вершӧк нёльӧд юкӧн кымын).

Миллиметр = 1/1000 метрлӧн.

Му мурталанъяс:

Ар = 100 кв. метр = 21,97 кв. саж.

Гектар = 1000 ар. = 0,915 десятина.

Сьӧкта мурталӧм:

Грамм = 0,23 зӧлӧтник.

Килограмм = 1000 грамм (кык пунт да джын гӧгӧр).

Тонна — 1000 килограмм.

Кизьӧртор мурталанъяс:

Литр = 1⅗ бутылка.

Гектолитр = 100 литр = 8 ведра.

Роч мурталанъясӧс метрическӧй мурталанӧ вуджӧдӧм.

Роч мурт.

Метр мурт.

Кузьта мурталанъяс:

1 верст — 1,07 километр.

1 саж. — 2,13 метр.

1 арш. — 0,71 метр.

1 верш. — 44,45 миллим.

1 фут. — 304,8 „

1 дюйм. — 25,4 „

Му мурталанъяс:

1 кв. верст — 1,14 кв. килом.

1 десятина = 2400 кв. саж. — 1,09 гектар.

1 кв. саж. — 4,65 кв. метр.

Сьӧкта тӧдмалӧм:

1 пуд — 16,38 килогр.

1 пунт — 0,41 „

1 лот — 12,79 грамм.

1 зол. — 4,26 „

1 доля — 44,43 миллигр.

Кизьӧртор мурталан:

1 ведра = 20 бутылка — 12,29 литр.

1 бутылка — 0,61 „

Кӧйдыс мурталан:

1 четверть — 2,09 гектолитр.

1 четверик — 26,24 литр.

1 гарнец — 3,28 „

Аптекаса мурталанъяс:

1 аптекаса фунт — 0,36 килогр.

1 унция — 29,86 грамм.

1 драхма — 3.73 „

1 скрупул — 1,24 „

1 гран — 62,21 миллиграмм.