Кыдзи колӧ рысь видзны тшыкӧмысь

Босьтны зэв сӧстӧм, пӧжӧм (изъялӧм) доз (пу доз кӧть сёй доз). Пыдӧссӧ пызьнавны мича кос солӧн. Ватӧм кос рысьсӧ пуктавны личкалӧмӧн, мед костъяс оз кольны. Сэсся лӧсьӧдны сола ва (рӧсов), сысъявны сійӧс, солыд няйт овлӧ да. Сійӧ сӧстӧм сола ва пытшкас кӧтӧдны кыз сӧстӧм дӧра (трапка), пыдзыртӧмӧн вевттьыны рыськӧс зэв топыда гӧгӧр, вылас гӧгрӧс вевтӧн и изйӧн личкыны. Недель пытшкын кыкысь колӧ видлавны, вевтъяссӧ сола ванас выльысь пожъявны (ва колӧ пузьӧдӧм), мичаа чышкавны и вевттьыны. Кодлӧн эм вый унджык, позьӧ сола дӧра пыддиыс пӧсь вый вылас кисьтны, мед рысьыс оз тыдав, мед бура рысьӧс тшыкӧмысь виас, выйыд ӧд оз шыбитчы, бӧрыннас позьӧ сёйны.

А. Суханова.