Кыдзи колӧ рысь видзны тшыкӧмысь Кыԇі колӧ рыԍ віԇны щыкӧмыԍ
Босьтны зэв сӧстӧм, пӧжӧм (изъялӧм) доз (пу доз кӧть сёй доз). Пыдӧссӧ пызьнавны мича кос солӧн. Ватӧм кос рысьсӧ пуктавны личкалӧмӧн, мед костъяс оз кольны. Сэсся лӧсьӧдны сола ва (рӧсов), сысъявны сійӧс, солыд няйт овлӧ да. Сійӧ сӧстӧм сола ва пытшкас кӧтӧдны кыз сӧстӧм дӧра (трапка), пыдзыртӧмӧн вевттьыны рыськӧс зэв топыда гӧгӧр, вылас гӧгрӧс вевтӧн и изйӧн личкыны. Недель пытшкын кыкысь колӧ видлавны, вевтъяссӧ сола ванас выльысь пожъявны (ва колӧ пузьӧдӧм), мичаа чышкавны и вевттьыны. Кодлӧн эм вый унджык, позьӧ сола дӧра пыддиыс пӧсь вый вылас кисьтны, мед рысьыс оз тыдав, мед бура рысьӧс тшыкӧмысь виас, выйыд ӧд оз шыбитчы, бӧрыннас позьӧ сёйны. Боԍтны зев сӧстӧм, пӧжӧм (ізјалӧм) ԁоз (пу ԁоз кӧԏ ԍој ԁоз). Пыԁӧссӧ пыԅнавны міча кос солӧн. Ватӧм кос рыԍсӧ пуктавны ԉічкалӧмӧн, меԁ костјас оз коԉны. Сеԍԍа лӧԍӧԁны сола ва (рӧсов), сысјавны сіјӧс, солыԁ ԋајт овлӧ-ԁа. Сіјӧ сӧстӧм сола ва пыщкас кӧтӧԁны кыз сӧстӧм ԁӧра (трапка), пыԇыртӧмӧн вевԏԏыны рыԍкӧс зев топыԁа гӧгӧр, вылас гӧгрӧс вевтӧн і ізјӧн ԉічкыны. Ԋеԃеԉ пыщкын кыкыԍ колӧ віԁлавны, вевтјассӧ сола ванас выԉыԍ пожјавны (ва колӧ пуԅӧԁӧм), мічаа чышкавны і вевԏԏыны. Коԁлӧн ем выј унҗык, поԅӧ сола ԁӧра-пыԃԃіыс пӧԍ выј вылас кіԍтны, меԁ рыԍыс оз тыԁав, меԁ бура рыԍӧс щыкӧмыԍ віас, выјыԁ-ӧԁ оз шыбытчы, бӧрыннас поԅӧ ԍојны.
А. Суханова. А. Суканова.
Комиӧн гижис
Ӧньӧ Агни
Важ коми гижӧд