* * *

Кытшӧн йӧктам-бергалам, нимкодясям-гажӧдчам,

Чипсанъясӧн чипсасям, гудӧкъясӧн няжӧдчам.

Уджъяс вӧчим-бергӧдім, кияснымӧс шойччӧдам,

Ӧтияслысь мӧдъяскӧд сьӧлӧмъяссӧ орччӧдам.

Тӧждъясысь да могъясысь юръяснымӧс личӧдам,

Медся лӧсьыд кывъяссӧ ӧта-мӧдлы вичмӧдам.

«Шондібансӧ»-олӧмсӧ вой шӧрӧдзыс гольӧдам,

Гӧтыраяс мунасны, гӧтыртӧмсӧ кольӧдам.

Батьясным да мамъясным тадз жӧ коркӧ сьылісны,

Мичаа да лӧсьыда олісны да вылісны.

Нывъясыс да зонъясыс тані водзӧ кургасны,

Гажа сьыланкывъясыс чужасны да юргасны.