КЫТШӦН ЙӦКТАМ-БЕРГАЛАМ

Кытшӧн йӧктам-бергалам, нимкодясям-гажӧдчам,
Чипсанъясӧн чипсасям, гудӧкъясӧн няжӧдчам.

Чужан муным — Удора,
Видзьяса да ю дора,
Йӧктана да сьылана,
Коми муын кылана.

Уджъяс вӧчим-бергӧдім, кияснымӧс шойччӧдам,
Ӧтияслысь мӧдъяскӧд сьӧлӧмъяссӧ орччӧдам.

Тӧждъясысь да могъясысь юръяснымӧс личӧдам,
Медся лӧсьыд кывъяссӧ ӧта-мӧдлы вичмӧдам.

«Шондібансӧ-олӧмсӧ» вой шӧрӧдзыс гольӧдам,
Ӧтияс кӧ мунасны, мукӧдъяссӧ кольӧдам.

Батьясным да мамъясным тадз жӧ коркӧ сьылісны,
Мичаа да лӧсьыда олісны да вылісны.

Нывъясыс да зонъясыс тані водзӧ кургасны,
Гажа сьыланкывъясыс сьывсясны да юргасны.