ВОЛЗЕМКОМИССИЯЯСЫН СУДЕБНӦЙ ПОШЛИНА ПЕРЙӦМ

Вӧлӧсьтъяссянь воӧны юӧръяс, Волземкомиссияяслӧн пӧ уджныс сувтӧма. Видз-му йылысь судитчигӧн Волземкомиссияяс пӧ корӧны жалӧба сетысьяслысь 10 шайт зарни лыдӧн судебнӧй пошлина, сытӧг пӧ жалӧбаяс оз босьтны. Гӧль крестьяна сы мында сьӧм сетны оз вермыны, быть лоӧ дугӧдчыны судитчӧмысь.

Волземкомиссияяс та мында пошлина корӧны декретъяс гӧгӧрвотӧмла. ВЦИК Совнаркомкӧд ноябр 14-ӧд лунӧ 1923 воӧ висьтавлісны: судебнӧй пошлина видз-му йылысь судитчигӧн артассьӧ делӧсӧ решитігӧн, сӧмын зарни лыдӧн ӧти шайтысь улын мед эз вӧв. Волземкомиссия кӧ аддзӧ судитчысь гӧль крестьянинлысь пошлина мынтыны вермытӧмсӧ, сэки вермӧ закон серти (§ 43 в. Граж. Код.) судебнӧй пошлинаысь дзикӧдз мездыны, жалӧбасӧ видлавны пошлина перйытӧг.

Прокуратура.