ЗЕЛЕНЕЧСА ПОП КЫРЫМ ӦКТАЛӦ КРЕСТЬЯНАЛЫСЬ, КОДЛЫ РЕГЫДДЖЫК РАЙӦ ОКОТА ВОНЫ

Зеленечса поплысь босьтӧма керкасӧ Исполком пельшӧрлы лекарствояс видзны — аптека вылӧ, висьысьясӧс лечитны.

Попӧс ыстӧма саломщик керкаӧ, саломщикӧс дякӧн керкаӧ, дякӧнкӧд ӧтлаын овны. Ӧні сэсся поп скӧрмӧма, ветлӧдлӧ вӧлӧсьт кузя керкаысь керкаӧ, кырым ӧкталӧ: «Он кӧ пӧ кырымасьӧ меным бӧр керка корны, ставнытӧ адӧ мӧдӧда». Йӧзыд адсьыд повзьӧмаӧсь да быдӧн кырымасьӧмаӧсь.

Тӧлкаӧсь и йӧз Зеленечын! Висьӧм кӧ босьтас, попыд дариӧн паньыштӧдас, сы бӧрын регыд и воан раяд. Лекарствотӧ кӧ юыштан, бӧр бурдан, он и аддзыв райтӧ.

Зорин.