ГӦРДӦН КОЛӦ ПАСЙЫНЫ!

Керчомъясянь 40 верст сайын (Кулӧмдін карулын) эм грезд — Асыввож. Сэні олӧ Самарин Епӧ Варфоломей. Ачыс сійӧ — бура олысь (озыр) крестьянин. Этша озыр крестьяна костысь сюрас татшӧм бур мортыд! Тшыгъялан воӧ (1918 во) Самарин ассьыс сетӧма гӧль йӧзлы сизимсё пуд нянь прӧста. Кутшӧм налогъяс эз корлыны — пыр сійӧ медводзын мынтыліс. Корсюрӧ оз овлы туйыс (рӧспута), деревнясянь 40 верст колӧ вайны няньтӧ, дай сэки на Варфоломей медводдза мынтысьысь овлӧ, оз виччысь туй пуксьӧм, удждылас кодлыськӧ Керчомъясалысь няньтӧ, мынтас. Таво сідзжӧ Самарин Варфоломей мынтіс налогсӧ быдӧнысь водз. Абу мукӧд озыръяс кодь Самариныд! Еджыдъяс дырйи (1919−1920 во) сійӧ отсасьліс гӧрдъяс дор, дзеблавліс ас ордас коммунистъясӧс. Некор он кывлы сысянь некутшӧм шуасьӧм Сӧвет власьт вылӧ. Унджык кӧ эськӧ татшӧм йӧзыс озыр крестьяна пӧвстын!

Напалков.