РОССИЯ ДОР КОЛӦ СУЛАВНЫ!

Рабочӧйяслӧн эм Амстердамскӧй Интернационал (шусьӧ «соглашательскӧй» — нырщикъясыс нуӧдӧны найӧс озыръяскӧд ӧтдор да). Сэні вӧлі секретар Фиммен. Сійӧ шуӧ: озыръяслы пӧ рабочӧйяслӧн ӧтувъя фронт эз вермы ӧнӧдз сетны пӧшти нинӧм. Сӧмын Германияын уджыс бурджыка мунӧ. Германияса эмбуртӧмъяс (пролетарии) вермасны власьт босьтны, велӧдчасны кӧ важ ӧшыбкаяссьыныс. Медся ыджыд кутӧд эмбуртӧмъяслӧн — Сӧветскӧй Россия помын. Сы дор колӧ сулавны чорыда! Мувыв эмбуртӧмъяс ёнӧсь лоӧны, кор ӧтлаасясны Мӧскуаса Интернационалкӧд.