САНИТАРНӦЙ МИНИМУМ ОЛӦМӦ НУӦДӦМ ЙЫЛЫСЬ ПЕТКӦДЛАНА ДОГОВОР^Договор колӧ вӧчны места серти./^

Санитарнӧй минимум йылысь Совнарком декрет серти, ми улынджык кырымасьӧмъяс:

1) Общежиттьӧын олысь сезоннӧй рабочӧйяс чукӧртчылӧм вылын бӧрйӧм уполномоченнӧйяс (овъясныс) .... .

2) Рабочӧй-сезонникъяс профессиональнӧй организацияса представитель — союз правленньӧса председатель (ов) .... .

3) Общежиттьӧса кӧзяйственнӧй организациясянь представитель — правленньӧса юралысь (ов) .... лӧсьӧдім тайӧ договорсӧ (общежиттьӧ ним да места) общежиттьӧын санитарнӧй минимум олӧмӧ пӧртӧм понда.

Санминимум олӧмӧ пӧртӧм понда вылынджык индалӧм быд организация кӧсйысьӧ вӧчны татшӧм уджъяс:

1. Ми, общежиттьӧын олысь сезоннӧй рабочӧйяс, ас выланым босьтам кӧсйысьӧм овны чорыда общежиттьӧпытшса распӧрадок серти да асьным босьтчам овны сӧстӧма, та понда ми шуам:

1) Быд сменаын нуӧдны субӧтник общежиттьӧ весалӧм, пелькӧдӧм да сӧстӧммӧдӧм понда. Та понда быд бригадаӧс индыны торъя комнатаӧ. Субӧтникӧ вӧчны .... (тӧлысь, лун, час).

Субӧтникъяссӧ нуӧдны индыны .... ёртъясӧс.

2) Не шыблавны джодж вылӧ бумага торъяс, чигарка помъяс, ёг, шыблавны ставсӧ ёг ящикӧ. Сідз жӧ оз позь джодж вылӧ сьӧлавны да чушны зырым.

3) Узьланінъясын куритчыны оз позь, куритчыны позьӧ сӧмын керка водзын (посводзын), куритчанінын либӧ ывлаын.

4) Ветлывлыны бригадаясӧн, сменаӧн-сменаӧн пывсянӧ этша вылӧ быд недель ӧтчыд да быд пывсигӧн вежлавны сьӧд дӧрӧм-гач.

5) Не лэдзны общежиттьӧын юны вина ни, сур ни.

6) Оз позь сёйны узьлан комнатаясын, сёйны позьӧ сӧмын та вылӧ индӧм комнатаын.

7) Ёна сӧстӧма видзны уборнӧйяс.

8) Оз позь водны вольпась вылӧ сапӧгъясӧн.

9) Койка горулысь идравны ящикъяс да видзны кумын (кладӧвӧйын). Вылыс паськӧм быть видзны тувъясӧ ӧшлӧмӧн.

10) Оз позь лэдзны ӧти койка вылын узьлыны кыкӧн. Колӧ видзӧдны, медым койкаяс вӧлі сувтӧдлӧма костъясӧн.

11) Оз позь лэдзны общежиттьӧын узьны бокиса йӧзлы.

12. Оз позь некодлы лэдзны асьнысӧ тойсявны. Кодкӧ кӧ тойӧссяс, колӧ пырысь-пыр тойяссӧ бырӧдны.

13) Бырӧдны быдӧнлы ассьыс санитарнӧй тӧдтӧмлунсӧ, та понда общежиттьӧын котыртны санитарнӧй кружок. Кӧсйысям шуӧм кадъясӧ бура волывлыны кружок заняттьӧ вылӧ да сідз жӧ кыскам тайӧ кружокас ассьыным тӧварышъяснымӧс.

14) Котыртны санитарнӧй пельӧс («дзоньвидзалун пельӧс») лӧсьӧдны сэнтӧ, сэтшӧмтӧ лунӧдз, тайӧ уджсӧ нуӧдӧмысь кывкутны пондас .... ёрт). Судзӧдны санитарнӧй минимум йылысь нигаяс да санитарнӧй минимум йылысь гижны стенӧ ӧшӧдан газетӧ. Кӧсйысям быд кык тӧлысьӧн этша вылӧ лыддьыны ӧти нига санитарнӧй минимум да дзоньвидзалун кутӧм йылысь. Тайӧ уджсӧ олӧмӧ пӧртӧм бӧрся видзӧдны тшӧктам санитарнӧй комиссияса шленъяслы (индавны овъяс да тшӧтш индыны, кодлы мыйысь лоӧ кывкутны да кутшӧм кадӧдз тайӧ уджсӧ нуӧдны).

15) Сӧстӧма олӧм бӧрся видзӧдӧм да санитарнӧй минимум олӧмӧ нуӧдӧм бӧрся видзӧдӧм могысь бӧръям узьланінъяссянь либӧ артельяссянь татшӧм ёртъясӧс (индавны овъяссӧ).

16) Ӧткымын сезонникъяс кӧ некыдзи оз кӧсйыны нуӧдны олӧмӧ миянлысь босьтӧм кӧсйысьӧмъяссӧ, ми кӧсйысям: медводзысь сетны предупрежденньӧ, мӧдысь — сетны выговор ставлы та йылысь йӧзӧдӧмӧн, коймӧдысьнас — сетны тайӧ делӧсӧ общественнӧй судӧ. Кодъяс санитарнӧй минимумсӧ олӧмӧ оз нуӧдны тӧдӧмӧн, тайӧ уджыслы торкалӧны, тшӧктыны администрациялы тайӧ мортсӧ видлавны торйӧн да вӧтлыны сійӧс ӧтувъя оланінысь.

17) Босьтчам нуӧдны социалистическӧй ордйысьӧм: ....-ӧд №-а комната чуксалӧ ордйысьны ....-ӧд №-а комнатаӧс, с. в. Ордйысян кад .... . Ордйысьны пондасны татшӧмторъясӧн:

а) Оз ковны тӧрӧканъяс, лудікъяс, пытшъяс, тойяс, ог лэдзӧ найӧс лоны да лоӧны кӧ, пырысь-пыр найӧс бырӧдны.

б) Колӧ сӧстӧм сынӧд — сӧстӧммӧдны сынӧдсӧ ёнджыка узьланінъясысь да гожӧмын ӧшиньяс да форточкаяс пыр видзны восьсаӧн; оз ков кыпӧдны бус; оз ков весавны паськӧм узьлан комнатаын.

в) Узьланін — абу куритчанін; оз позь узьлан комнатаысь сынӧдсӧ торкны куритчӧмӧн.

г) Джоджтӧ видз сӧстӧма — оз ков шыблавны ёгсӧ джоджӧ, джоджыс кӧ ёгӧссяс — колӧ чышкыны. Комнатаӧ пыртӧдз войдӧр колӧ кокъястӧ чышкыны.

д) Койкаыд мед вӧлі пыр сӧстӧм да пелькӧдӧма — эн сёй койка вылад; койка вылад эн видз пальтотӧ; перина эжӧд да пӧдушка кышӧд вежлав этша вылӧ быд тӧлысь ӧтчыд; эн вод сапӧгъяснад; вольпасьтӧ вольсав бура; койкаыд мед некытчӧ (медся нин мӧд койкаӧ) мед оз тшук.

е) Узьланін абу кум (кладӧвӧй) — узьланінысь став ящикъяс, гын сапӧгъяс да мукӧд торъяс нуны кӧлуйяс видзан кумӧ.

(Медводдза тӧлысьӧ ордйысигӧн тырмас тайӧ вит торйыс, бӧрнас позьӧ содтавны выль торъяс).

II. Профессиональнӧй организация кӧсйысьӧ тырмымӧна отсасьны рабочӧй комитетлы нуӧдны профессиональнӧй, культурно-просветительнӧй да политика (партийнӧй ячейкакӧд ӧтвылысь) уджъяс, та понда:

1) Общежиттьӧса гӧрд пельӧсын удж лӧсьӧдӧм вылӧ индыны профсоюз правленньӧса шленӧс .... ёртӧс, шуам сылы этша вылӧ быд недель ӧтчыд волывлыны шуӧм часъясӧ (индыны лун да часъяс) тайӧ гӧрд пельӧсас.

2) Профсоюзса средствоысь лэдзны (сы мындатӧ) сьӧм культурно-просветительнӧй удж нуӧдӧм вылӧ, тшӧтш и дзоньвидзалун бурмӧдан удж вылӧ: библиотекаӧ нигаяс ньӧбалӧм вылӧ — сымын шайт, экскурсияяс вӧчалӧм вылӧ сымын шайт да с. в.

3) Лӧсьӧдны переходящӧй знамя — премия, коді медбура пондас нуӧдны олӧмӧ санитарнӧй минимум, сетны налы шойччан керкаясӧ местаяс.

4) Меставывса рабочӧй комитет кӧсйысьӧ отсавны санитарнӧй минимум олӧмӧ нуӧдӧмын, та понда индӧ уджавны санитарнӧй комиссияын .... ёртӧс да кӧсйысьӧ этша вылӧ 2-ысь быд тӧлысь вӧчавлыны докладъяс санитарнӧй минимум олӧмӧ нуӧдӧм йылысь, уджсӧ водзвыв тӧдмалӧмӧн.

III. Общежиттьӧса кӧзяйственнӧй организация кӧсйысьӧ лӧсьӧдны общежиттьӧын сӧстӧма олӧм, лӧсьӧдны тырмымӧн инвентар, узьлан торъяс, век видзӧдны общежиттьӧын олӧм бӧрся, сійӧн:

1) Керка дорысь кыскавны став ёгсӧ да уборнӧй гуясысь ӧкмӧмсӧ сымынтӧ лунӧн.

2) Общежиттьӧӧ быд комнатаӧ ӧшлыны общежиттьӧ пытшкӧсса распӧрадок, тайӧ уджсӧ вӧчны сымынтӧ лунӧн.

3) Идрасьысьяс лыд содтыны ....ӧдз да найӧс пӧвстын комнатаяссӧ юклыны тадзи (индыны), тайӧ уджсӧ вӧчны .... лунӧн.

4) Общежиттьӧӧ водзвыв лӧсьӧдны тырмымӧн узьлан кӧлуй, мед мыйкӧ мында век вӧлі нӧшта дасьӧн. Та понда лӧсьӧдны общежиттьӧ вылӧ сымынтӧ перина кышӧд, сымынтӧ пӧдушка кышӧд, сымындатӧ додь идзас, сымындатӧ ӧдеялӧяс.

5) Медым комнатаяссӧ пыр видзны сӧстӧма, нӧшта лоӧ лӧсьӧдӧма: сьӧласян дозъяс ...., пальто-шапка ӧшлан тувъяс ...., кружкаяс ...., столикъяс ...., улӧсъяс ...., пызанъяс .... да с. в (быд индӧм тор бӧрӧ индыны унаӧ да кор лоӧ лӧсьӧдӧма); зэв бур вӧлі тані индыны кутшӧм комнатаӧ мый лоӧ лӧсьӧдӧма).

6) Лӧсьӧдны .... лунӧн косьтысян комната.

7) Лӧсьӧдны ӧтувъя сёянін, буфет, кооперативнӧй ларёк (кооператив правленньӧкӧд ӧтвылысь) сымынтӧ лунӧн.

8) Лӧсьӧдны кӧлуй видзан кум сымынтӧ лунӧн.

9) Сэтшӧмтӧ лунсянь пондыны босьтавны сезонникъяслысь сьӧд дӧрӧм-гач, бӧр лоӧ вайӧма босьтан лунсянь .... лун мысьт.

10) Лӧсьӧдны общежиттьӧ бердӧ медпункт да висьысьяслы торъя комната. Тайӧ уджсӧ вӧчны .... лунӧн (лун, тӧлысь).

11) Стрӧитчан уджъяс мунан кадӧ тайӧ содтӧда список да индӧм кадъяс серти вӧчны капитальнӧй ремонт.

12) Санитарнӧй минимум олӧмӧ медбура нуӧдысь бригадалы сетны .... шайт премия, премия сетан кад шуны .... тӧлысьӧ, .... лунӧ.