САНИТАРНӦЙ МИНИМУМ ОЛӦМӦ НУӦДӦМ ЙЫЛЫСЬ ПЕТКӦДЛАНА ДОГОВОР^Договор колӧ вӧчны места серти./^ САԊІТАРНӦЈ МІԊІМУМ ОЛӦМӦ НУӦԀӦМ ЈЫЛЫԌ ПЕТКӦԀЛАНА ԀОГОВОР^ḑоговор колӧ вӧчны места ԍерԏі./^
Санитарнӧй минимум йылысь Совнарком декрет серти, ми улынджык кырымасьӧмъяс: Саԋітарнӧј міԋімум јылыԍ Совнарком ԃекрет ԍерԏі, мі улынҗык кырымаԍӧмјас:
1) Общежиттьӧын олысь сезоннӧй рабочӧйяс чукӧртчылӧм вылын бӧрйӧм уполномоченнӧйяс (овъясныс) .... . 1) Обшщежіԏԏӧын олыԍ ԍезоннӧј робочӧјјас чукӧртчылӧм вылын бӧрјӧм уполномоченнӧјјас (овјасныс) .... .
2) Рабочӧй-сезонникъяс профессиональнӧй организацияса представитель — союз правленньӧса председатель (ов) .... . 2) Робочӧј-ԍезоԋԋікјас профеԍԍіонаԉнӧј оргаԋізаціјаса преԁставіԏеԉ — сојуз правԉеԋԋӧса преԁԍеԁаԏеԉ (ов) .... .
3) Общежиттьӧса кӧзяйственнӧй организациясянь представитель — правленньӧса юралысь (ов) .... лӧсьӧдім тайӧ договорсӧ (общежиттьӧ ним да места) общежиттьӧын санитарнӧй минимум олӧмӧ пӧртӧм понда. 3) Обшщежіԏԏӧса хоԅајственнӧј оргаԋізаціјаԍаԋ преԁставіԏеԉ — правԉеԋԋӧса јуралыԍ (ов) .... лӧԍӧԁім тајӧ ԁоговорсӧ (общӧжіԏԏӧ ԋім ԁа места) обшщежіԏԏӧын саԋітарнӧј міԋімум олӧмӧ пӧртӧм понԁа.
Санминимум олӧмӧ пӧртӧм понда вылынджык индалӧм быд организация кӧсйысьӧ вӧчны татшӧм уджъяс: Санміԋімум олӧмӧ пӧртӧм понԁа вылынҗык інԁалӧм быԁ оргаԋізаціја кӧсјыԍӧ вӧчны тащӧм уҗјас:
1. Ми, общежиттьӧын олысь сезоннӧй рабочӧйяс, ас выланым босьтам кӧсйысьӧм овны чорыда общежиттьӧпытшса распӧрадок серти да асьным босьтчам овны сӧстӧма, та понда ми шуам: 1. Мі, обшщӧжіԏԏӧын олыԍ ԍезоннӧј робочӧјјас, ас выланым боԍтам кӧсјыԍӧм овны чорыԁа обшщежіԏԏӧ пыщса распораԁок ԍерԏі ԁа аԍным боԍтԍам овны сӧстӧма, та понԁа мі шуам:
1) Быд сменаын нуӧдны субӧтник общежиттьӧ весалӧм, пелькӧдӧм да сӧстӧммӧдӧм понда. Та понда быд бригадаӧс индыны торъя комнатаӧ. Субӧтникӧ вӧчны .... (тӧлысь, лун, час). 1) Быԁ ԍменаын нуӧԁны субботԋік обшщежіԏԏӧ весалӧм, пеԉкмӧԁӧм ԁа сӧстӧммӧԁӧм понԁа. Та понԁа быԁ брігаԁаӧс інԁыны торја комнатаӧ. Субботԋікӧ вӧчны .... (тӧлыԍ, лун, час).
Субӧтникъяссӧ нуӧдны индыны .... ёртъясӧс. Субботԋікјассӧ нуӧԁны інԁыны .... јортјасӧс.
2) Не шыблавны джодж вылӧ бумага торъяс, чигарка помъяс, ёг, шыблавны ставсӧ ёг ящикӧ. Сідз жӧ оз позь джодж вылӧ сьӧлавны да чушны зырым. 2) Ԋе шыблавны җоҗ вылӧ бумага торјас, чігарка помјас, мусӧр, шыблавны ставсӧ мусӧр јашщікӧ. Сіԇ-жӧ оз поԅ җоҗ вылӧ ԍӧлавны ԁа чушны зырым.
3) Узьланінъясын куритчыны оз позь, куритчыны позьӧ сӧмын керка водзын (посводзын), куритчанінын либӧ ывлаын. 3) Уԅланінјасын курітчыны оз поԅ, курітчыны поԅӧ сӧмын керкавоԇын (посвоԇын), курітчанінын ԉібӧ ывлаын.
4) Ветлывлыны бригадаясӧн, сменаӧн-сменаӧн пывсянӧ этша вылӧ быд недель ӧтчыд да быд пывсигӧн вежлавны сьӧд дӧрӧм-гач. 4) Ветлывлыны брігаԁајасӧн, ԍменаӧн-ԍменаӧн пывԍанӧ еща вылӧ быԁ ԋеԃеԉ ӧтчыԁ ԁа быԁ пывԍігӧн вежлавны ԍӧԁ ԁӧрӧм-гач.
5) Не лэдзны общежиттьӧын юны вина ни, сур ни. 5) Ԋе леԇны обшщӧжіԏԏӧын јуны віна-ԋі, сур-ԋі.
6) Оз позь сёйны узьлан комнатаясын, сёйны позьӧ сӧмын та вылӧ индӧм комнатаын. 6) Оз поԅ ԍојны уԅлан комнатајасын, ԍојны поԅӧ сӧмын та вылӧ інԁӧм комнатаын.
7) Ёна сӧстӧма видзны уборнӧйяс. 7) Јона сӧстӧма віԇны уборнӧјјас.
8) Оз позь водны вольпась вылӧ сапӧгъясӧн. 8) Оз поԅ воԁны воԉпаԍ вылӧ сапӧгјасӧн.
9) Койка горулысь идравны ящикъяс да видзны кумын (кладӧвӧйын). Вылыс паськӧм быть видзны тувъясӧ ӧшлӧмӧн. 9) Којка горулыԍ іԁравны јашщікјас ԁа віԇны кумын (клаԁӧвӧјын). Вылыс паԍкӧм быԏ віԇны тувјасӧ ӧшлӧмӧн.
10) Оз позь лэдзны ӧти койка вылын узьлыны кыкӧн. Колӧ видзӧдны, медым койкаяс вӧлі сувтӧдлӧма костъясӧн. 10) Оз поԅ леԇны ӧԏі којка вылын уԅлыны кыкӧн. Колӧ віԇӧԁны, меԁым којкајас вӧліс сувтӧԁлӧма костјасӧн.
11) Оз позь лэдзны общежиттьӧын узьны бокиса йӧзлы. 11) Оз поԅ леԇны обшщежіԏԏӧын уԅны бокыса јӧзлы.
12. Оз позь некодлы лэдзны асьнысӧ тойсявны. Кодкӧ кӧ тойӧссяс, колӧ пырысь-пыр тойяссӧ бырӧдны. 12. Оз поԅ ԋекоԁлы леԇны аԍнысӧ тојԍавны. Коԁкӧ-кӧ тојӧԍԍас, колӧ пырыԍпыр тојјассӧ бырӧԁны.
13) Бырӧдны быдӧнлы ассьыс санитарнӧй тӧдтӧмлунсӧ, та понда общежиттьӧын котыртны санитарнӧй кружок. Кӧсйысям шуӧм кадъясӧ бура волывлыны кружок заняттьӧ вылӧ да сідз жӧ кыскам тайӧ кружокас ассьыным тӧварышъяснымӧс. 13) Бырӧԁны быԁсӧнлы аԍԍыс саԋітарнӧј тӧԁтӧмлунсӧ, та понԁа обшщежіԏԏӧын котыртны саԋітарнӧј кружок. Кӧсјыԍам шуӧм каԁјасӧ бура волывлыны кружок заԋаԏԏӧ вылӧ ԁа сіԇ-жӧ кыскам тајӧ кружокас аԍԍыным тӧварышјаснымӧс.
14) Котыртны санитарнӧй пельӧс («дзоньвидзалун пельӧс») лӧсьӧдны сэнтӧ, сэтшӧмтӧ лунӧдз, тайӧ уджсӧ нуӧдӧмысь кывкутны пондас .... ёрт). Судзӧдны санитарнӧй минимум йылысь нигаяс да санитарнӧй минимум йылысь гижны стенӧ ӧшӧдан газетӧ. Кӧсйысям быд кык тӧлысьӧн этша вылӧ лыддьыны ӧти нига санитарнӧй минимум да дзоньвидзалун кутӧм йылысь. Тайӧ уджсӧ олӧмӧ пӧртӧм бӧрся видзӧдны тшӧктам санитарнӧй комиссияса шленъяслы (индавны овъяс да тшӧтш индыны, кодлы мыйысь лоӧ кывкутны да кутшӧм кадӧдз тайӧ уджсӧ нуӧдны). 14) Котыртны саԋітарнӧј пеԉӧс („ԇоԋвіԇалун пеԉӧс“) лӧԍӧԁны сен-тӧ, сещӧм-тӧ лунӧԇ, тајӧ уҗсӧ нуӧԁӧмыԍ кывкутны понԁас .... јорт). Суԇӧԁны саԋітарнӧј міԋімум јылыԍ ԋігајас ԁа саԋітарнӧј міԋімум јылыԍ гіжны ԍԏенӧ ӧшӧԁан гаԅетӧ. Кӧсјыԍам быԁ кык тӧлыԍӧн еща вылӧ лыԃԃыны ӧԏі ԋіга саԋітарнӧј міԋімум ԁа ԇоԋвіԇалун кутӧм јылыԍ. Тајӧ уҗсӧ олӧмӧ пӧртӧм бӧрԍа віԇӧԁны щӧктам саԋітарнӧј коміԍԍіјаса шԉенјаслы (інԁавны овјас ԁа щӧщ інԁыны, коԁлы мыјыԍ лоӧ кывкутны ԁа кущӧм каԁӧԇ тајӧ уҗсӧ нуӧԁны).
15) Сӧстӧма олӧм бӧрся видзӧдӧм да санитарнӧй минимум олӧмӧ нуӧдӧм бӧрся видзӧдӧм могысь бӧръям узьланінъяссянь либӧ артельяссянь татшӧм ёртъясӧс (индавны овъяссӧ). 15) Сӧстӧма олӧм бӧрԍа віԇӧԁӧм ԁа саԋітарнӧј міԋімум олӧмӧ нуӧԁӧм бӧрԍа віԇӧԁӧм могыԍ бӧрјам уԅланінјасԍаԋ ԉібӧ арԏеԉјасԍаԋ тащӧм јортјасӧс (інԁавны овјассӧ).
16) Ӧткымын сезонникъяс кӧ некыдзи оз кӧсйыны нуӧдны олӧмӧ миянлысь босьтӧм кӧсйысьӧмъяссӧ, ми кӧсйысям: медводзысь сетны предупрежденньӧ, мӧдысь — сетны выговор ставлы та йылысь йӧзӧдӧмӧн, коймӧдысьнас — сетны тайӧ делӧсӧ общественнӧй судӧ. Кодъяс санитарнӧй минимумсӧ олӧмӧ оз нуӧдны тӧдӧмӧн, тайӧ уджыслы торкалӧны, тшӧктыны администрациялы тайӧ мортсӧ видлавны торйӧн да вӧтлыны сійӧс ӧтувъя оланінысь. 16) Ӧткымын ԍезоԋԋікјас-кӧ ԋекыԇі оз кӧсјыны нуӧԁны олӧмӧ міјанлыԍ боԍтӧм кӧсјыԍӧмјассӧ, мі кӧсјыԍам: меԁвоԇыԍ ԍетны преԁупрежԃеԋԋӧ, мӧԁыԍ — ԍетны выговор ставлы та јылыԍ јӧзӧԁӧмӧн, којмӧԁыԍнас — ԍетны тајӧ ԃелӧсӧ обшщественнӧј суԁӧ. Коԁјас саԋітарнӧј міԋімумсӧ олӧмӧ оз нуӧԁны тӧԁӧмӧн, тајӧ уҗыслы торкалӧны, щӧктыны аԁміԋістраціјалы тајӧ мортсӧ віԁлавны торјӧн ԁа вӧтлыны сіјӧс ӧтувја олан іныԍ.
17) Босьтчам нуӧдны социалистическӧй ордйысьӧм: ....-ӧд №-а комната чуксалӧ ордйысьны ....-ӧд №-а комнатаӧс, с. в. Ордйысян кад .... . Ордйысьны пондасны татшӧмторъясӧн: 17) Боԍтԍам нуӧԁны соціаԉіԍԏіческӧј орԁјыԍӧм: ....-ӧԁ №-а комната чуксалӧ орԁјыԍны ....-ӧԁ №-а комнатаӧс, с. в. Орԁјыԍан каԁ .... . Орԁјыԍны понԁасны тащӧмторјасӧн:
а) Оз ковны тӧрӧканъяс, лудікъяс, пытшъяс, тойяс, ог лэдзӧ найӧс лоны да лоӧны кӧ, пырысь-пыр найӧс бырӧдны. а) Оз ковны тӧрӧканјас, луԁікјас, пыщјас, тојјас, ог леԇӧ најӧс лоны ԁа лоӧны-кӧ, пырыԍпыр најӧс бырӧԁны.
б) Колӧ сӧстӧм сынӧд — сӧстӧммӧдны сынӧдсӧ ёнджыка узьланінъясысь да гожӧмын ӧшиньяс да форточкаяс пыр видзны восьсаӧн; оз ков кыпӧдны бус; оз ков весавны паськӧм узьлан комнатаын. б) Колӧ сӧстӧм сынӧԁ — сӧстӧммӧԁны сынӧԁсӧ јонҗыка уԅланінјасыԍ ԁа гожӧмын ӧшіԋјас ԁа форточкајас пыр віԇны воԍсаӧн; оз ков кыпӧԁны бус; оз ков весавны паԍкӧм уԅлан комнатаын.
в) Узьланін — абу куритчанін; оз позь узьлан комнатаысь сынӧдсӧ торкны куритчӧмӧн. в) Уԅланін — абу курітчанін — оз поԅ уԅлан комнатаыԍ сынӧԁсӧ торкны курітчӧмӧн.
г) Джоджтӧ видз сӧстӧма — оз ков шыблавны ёгсӧ джоджӧ, джоджыс кӧ ёгӧссяс — колӧ чышкыны. Комнатаӧ пыртӧдз войдӧр колӧ кокъястӧ чышкыны. г) Җоҗтӧ віԇ сӧстӧма — оз ков шыблавны мусӧрсӧ җоҗӧ, җоҗыс-кӧ јогӧԍԍас — колӧ чышкыны. Комнатаӧ пыртӧԇ војԁӧр колӧ кокјастӧ чышкыны.
д) Койкаыд мед вӧлі пыр сӧстӧм да пелькӧдӧма — эн сёй койка вылад; койка вылад эн видз пальтотӧ; перина эжӧд да пӧдушка кышӧд вежлав этша вылӧ быд тӧлысь ӧтчыд; эн вод сапӧгъяснад; вольпасьтӧ вольсав бура; койкаыд мед некытчӧ (медся нин мӧд койкаӧ) мед оз тшук. ԁ) Којкаыԁ меԁ вӧліс пыр сӧстӧм ԁа пеԉкӧԁӧма — ен ԍој којка вылаԁ; којка вылаԁ ен віԇ паԉтотӧ, періна ежӧԁ ԁа пӧԁушка кышӧԁ вежлав еща вылӧ быԁ тӧлыԍ ӧтчыԁ; ен воԁ сапӧгјаснаԁ; воԉпаԍтӧ воԉсав бура; којкаыԁ меԁ ԋекытчӧ (меԁԍа-ԋін мӧԁ којкаӧ) меԁ оз щук.
е) Узьланін абу кум (кладӧвӧй) — узьланінысь став ящикъяс, гын сапӧгъяс да мукӧд торъяс нуны кӧлуйяс видзан кумӧ. е) Уԅланін абу кум (клаԁӧвӧј) — уԅланіныԍ став јашщікјас, гынсапӧгјас ԁа мукӧԁ торјас нуны кӧлујјас віԇан кумӧ.
(Медводдза тӧлысьӧ ордйысигӧн тырмас тайӧ вит торйыс, бӧрнас позьӧ содтавны выль торъяс). (Меԁвоԇԇа тӧлыԍӧ орԁјыԍігӧн тырмас тајӧ віт торјыс, бӧрнас поԅӧ соԁтавны выԉ торјас).
II. Профессиональнӧй организация кӧсйысьӧ тырмымӧна отсасьны рабочӧй комитетлы нуӧдны профессиональнӧй, культурно-просветительнӧй да политика (партийнӧй ячейкакӧд ӧтвылысь) уджъяс, та понда: II. Профеԍԍіонаԉнӧј оргаԋізаціја кӧсјыԍӧ тырмымӧна отсаԍны робочӧј коміԏетлы нуӧԁны профеԍԍіонаԉнӧј, куԉтурно-проԍвеԏіԏеԉнӧј ԁа поԉіԏіка (парԏіјнӧј јачејкакӧԁ ӧтвылыԍ) уҗјас, та понԁа:
1) Общежиттьӧса гӧрд пельӧсын удж лӧсьӧдӧм вылӧ индыны профсоюз правленньӧса шленӧс .... ёртӧс, шуам сылы этша вылӧ быд недель ӧтчыд волывлыны шуӧм часъясӧ (индыны лун да часъяс) тайӧ гӧрд пельӧсас. 1) Обшщӧжіԏԏӧса гӧрԁ пеԉӧсын уҗ лӧԍӧԁӧм вылӧ інԁыны профсојуз правԉеԋԋӧса шԉенӧс .... јортӧс, шуам сылы еща вылӧ быԁ ԋеԃеԉ ӧтчыԁ волывлыны шуӧм часјасӧ (інԁыны лун ԁа часјас) тајӧ гӧрԁ пеԉӧсас.
2) Профсоюзса средствоысь лэдзны (сы мындатӧ) сьӧм культурно-просветительнӧй удж нуӧдӧм вылӧ, тшӧтш и дзоньвидзалун бурмӧдан удж вылӧ: библиотекаӧ нигаяс ньӧбалӧм вылӧ — сымын шайт, экскурсияяс вӧчалӧм вылӧ сымын шайт да с. в. 2) Профсојузса среԁствоыԍ леԇны (сымыԁта-тӧ) ԍӧм куԉтурно-проԍвеԏіԏеԉнӧј уҗ нуӧԁӧм вылӧ, щӧщ і ԇоԋвіԇалун бурмӧԁан уҗ вылӧ: бібԉіоԏекаӧ ԋігајас ԋӧбалӧм вылӧ — сымын шајт, екскурԍіјајас вӧчалӧм вылӧ сымын шајт ԁа с. в.
3) Лӧсьӧдны переходящӧй знамя — премия, коді медбура пондас нуӧдны олӧмӧ санитарнӧй минимум, сетны налы шойччан керкаясӧ местаяс. 3) Лӧԍӧԁны перехоԃашщӧј знамја — преміја, коԁі меԁбура понԁас нуӧԁны олӧмӧ саԋітарнӧј міԋімум, ԍетны налы шојтчан керкајасӧ местајас.
4) Меставывса рабочӧй комитет кӧсйысьӧ отсавны санитарнӧй минимум олӧмӧ нуӧдӧмын, та понда индӧ уджавны санитарнӧй комиссияын .... ёртӧс да кӧсйысьӧ этша вылӧ 2-ысь быд тӧлысь вӧчавлыны докладъяс санитарнӧй минимум олӧмӧ нуӧдӧм йылысь, уджсӧ водзвыв тӧдмалӧмӧн. 4) Меставывса робочӧј коміԏет кӧсјыԍӧ отсавны саԋітарнӧј міԋімум олӧмӧ нуӧԁӧмын, та понԁа інԁӧ уҗавны саԋітарнӧј коміԍԍіјаын .... јортӧс ԁа кӧсјыԍӧ еща вылӧ 2-ыԍ быԁ тӧлыԍ вӧчавлыны ԁоклаԁјас саԋітарнӧј міԋімум олӧмӧ нуӧԁӧм јылыԍ, уҗсӧ воԇвыв тӧԁмалӧмӧн.
III. Общежиттьӧса кӧзяйственнӧй организация кӧсйысьӧ лӧсьӧдны общежиттьӧын сӧстӧма олӧм, лӧсьӧдны тырмымӧн инвентар, узьлан торъяс, век видзӧдны общежиттьӧын олӧм бӧрся, сійӧн: III. Обшщежіԏԏӧса хоԅајственнӧј оргаԋізаціја кӧсјыԍӧ лӧԍӧԁны обшщежіԏԏӧын сӧстӧма олӧм, лӧԍӧԁны тырмымӧн інвентар, уԅлан торјас, век віԇӧԁны обшщежіԏԏӧын олӧм бӧрԍа, сіјӧн:
1) Керка дорысь кыскавны став ёгсӧ да уборнӧй гуясысь ӧкмӧмсӧ сымынтӧ лунӧн. 1) Керка ԁорыԍ кыскавны став мусорсӧ ԁа уборнӧј гујасыԍ ӧкмӧмсӧ сымын-тӧ лунӧн.
2) Общежиттьӧӧ быд комнатаӧ ӧшлыны общежиттьӧ пытшкӧсса распӧрадок, тайӧ уджсӧ вӧчны сымынтӧ лунӧн. 2) Обшщежіԏԏӧӧ быԁ комнатаӧ ӧшлыны обшщежіԏԏӧ пыщкӧсса распораԁок, тајӧ уҗсӧ вӧчны сымын-тӧ лунӧн.
3) Идрасьысьяс лыд содтыны ....ӧдз да найӧс пӧвстын комнатаяссӧ юклыны тадзи (индыны), тайӧ уджсӧ вӧчны .... лунӧн. 3) Іԁраԍыԍјас лыԁ соԁтыны ....ӧԇ ԁа најӧс пӧвстын комнатајассӧ јуклыны таԇі (інԁыны), тајӧ уҗсӧ вӧчны .... лунӧн.
4) Общежиттьӧӧ водзвыв лӧсьӧдны тырмымӧн узьлан кӧлуй, мед мыйкӧ мында век вӧлі нӧшта дасьӧн. Та понда лӧсьӧдны общежиттьӧ вылӧ сымынтӧ перина кышӧд, сымынтӧ пӧдушка кышӧд, сымындатӧ додь идзас, сымындатӧ ӧдеялӧяс. 4) Обшщежіԏԏӧӧ воԇвыв лӧԍӧԁны тырмымӧн уԅлан кӧлуј, меԁ мыјкӧ мынԁа век вӧліс нӧшта ԁаԍӧн. Та понԁа лӧԍӧԁны обшщежіԏԏӧ вылӧ сымын-тӧ періна кышӧԁ, сымын-тӧ пӧԁушка кышӧԁ, сымынԁа-тӧ ԁоԃ іԇас, сымынԁа-тӧ ӧԃејалӧјас.
5) Медым комнатаяссӧ пыр видзны сӧстӧма, нӧшта лоӧ лӧсьӧдӧма: сьӧласян дозъяс ...., пальто-шапка ӧшлан тувъяс ...., кружкаяс ...., столикъяс ...., улӧсъяс ...., пызанъяс .... да с. в (быд индӧм тор бӧрӧ индыны унаӧ да кор лоӧ лӧсьӧдӧма); зэв бур вӧлі тані индыны кутшӧм комнатаӧ мый лоӧ лӧсьӧдӧма). 5) Меԁым комнатајассӧ пыр віԇны сӧстӧма, нӧшта лоӧ лӧԍӧԁӧма: ԍӧлаԍан ԁозјас ...., паԉто-шапка ӧшлан тувјас ...., кружкајас ...., стоԉікјас ...., улӧсјас ...., пызанјас .... ԁа с. в (быԁ інԁӧм тор бӧрӧ інԁыны унаӧ ԁа кор лоӧ лӧԍӧԁӧма); зев бур вӧліс тані інԁыны кущӧм комнатаӧ мыј лоӧ лӧԍӧԁӧма).
6) Лӧсьӧдны .... лунӧн косьтысян комната. 6) Лӧԍӧԁны .... лунӧн коԍтыԍан комната.
7) Лӧсьӧдны ӧтувъя сёянін, буфет, кооперативнӧй ларёк (кооператив правленньӧкӧд ӧтвылысь) сымынтӧ лунӧн. 7) Лӧԍӧԁны ӧтувја ԍојанін, буфет, коопераԏівнӧј ларок (коопераԏів правԉеԋԋӧкӧԁ ӧтвылыԍ) сымын-тӧ лунӧн.
8) Лӧсьӧдны кӧлуй видзан кум сымынтӧ лунӧн. 8) Лӧԍӧԁны кӧлуј віԇан кум сымын-тӧ лунӧн.
9) Сэтшӧмтӧ лунсянь пондыны босьтавны сезонникъяслысь сьӧд дӧрӧм-гач, бӧр лоӧ вайӧма босьтан лунсянь .... лун мысьт. 9) Сещӧм-тӧ лунԍаԋ понԁыны боԍтавны ԍезоԋԋікјаслыԍ ԍӧԁ ԁӧрӧмгач, бӧр лоӧ вајӧма боԍтан лунԍаԋ .... лунмыԍт.
10) Лӧсьӧдны общежиттьӧ бердӧ медпункт да висьысьяслы торъя комната. Тайӧ уджсӧ вӧчны .... лунӧн (лун, тӧлысь). 10) Лӧԍӧԁны обшщежіԏԏӧ берԁӧ меԁпункт ԁа віԍыԍјаслы торја комната. Тајӧ уҗсӧ вӧчны .... лунӧн (лун, тӧлыԍ).
11) Стрӧитчан уджъяс мунан кадӧ тайӧ содтӧда список да индӧм кадъяс серти вӧчны капитальнӧй ремонт. 11) Стрӧітчан уҗјас мунан каԁӧ тајӧ соԁтӧԁа ԍпісок ԁа інԁӧм каԁјас ԍерԏі вӧчны капітаԉнӧј ремонт.
12) Санитарнӧй минимум олӧмӧ медбура нуӧдысь бригадалы сетны .... шайт премия, премия сетан кад шуны .... тӧлысьӧ, .... лунӧ. 12) Саԋітарнӧј міԋімум олӧмӧ меԁбура нуӧԁыԍ брігаԁалы ԍетны .... шајт преміја, преміја ԍетан каԁ шуны .... тӧлыԍӧ, .... лунӧ.
Комиӧн
Важ коми гижӧд