КАРСА НОГӦН

Босьтчис кӧртымӧн ^Кӧртым — аренда./^ карса гозъя
Куим курӧг да петук видзны.
Ӧтнас петуксӧ йӧртіс позйӧ,
Сытӧг тырмӧ пӧ зыкыс сідз на.
Мед пӧ дзескыдын петук дзӧрӧ —
Тадзсӧ ёнджык на тшӧгны вермас,
Куим курӧгсӧ видзам йӧрын,
Наысь йывмӧдам быдса ферма.
Сӧмын курӧгъяс лунысь лунӧ
Эз тай госсӧ ни кольксӧ чӧжны,
И эз ферма тыр чипан пӧжны...
Кодӧс мыжаӧн тані шуны?
Гозъя петукӧс куштіс пуны.