СЁРНИ-БАСНИ

— Тэ мый сэтшӧм водз мунан пажнайтнытӧ?

— А ме ӧд сёрӧнджык и локта. Буретш лоӧ!

* * *

Пекла видзӧдӧ ӧшиньӧ:

— Коді бара тайӧ мунӧ нопъя мужичӧйыс, кытчӧ мӧдӧдчӧма?

Верӧсыс шуӧ:

— А тэ суӧдлы да юав, абу на ылын.

* * *

Уборщица нуаліс кабинетъясӧ кӧдзыд ва тыра графинъяс, сэсся пырис начальникыс дорӧ да шуӧ:

— Талун пӧлучка, буракӧ, либӧ премия сеталасны...

— Мыйла сідзи думайтанныд? — чуймис начальник.

— Ставныс жӧ удж вылынӧсь!

* * *

— Шыбит нин куритчынытӧ, лун и вой со кызӧдан!

— Тэ шыбитін, ме эновтча, сійӧ дугдас... Сэсся нӧ

табак вӧчан фабрикаяссӧ ставсӧ сиптам али мый? Ог, та ыджда мыж ме ас вылӧ ог босьт!

* * *

Кык ёрт венӧ воисны. Ӧтиыс и скӧрмис:

— Мун тэ, тӧдан кытчӧ!

— Кытчӧ?!

— Пывсянӧ!

* * *

— Аски — праздник. Дыр-ӧ нӧ талун уджалам?

— Праздник водзвылас? Сизим час рытӧдз пажынтӧг...