ЧИПСАН

Пышкайлы сюрис чипсан да кутіс лунтыр чипсыны. Вурдысь другыс корис:

— Пышкай, другӧй, вай сэсся ме чипсышта.

— Ог сет. Ачым ме пӧттӧдз эг на чипсы. Забеднӧ лои Вурдысьлы, муніс да батьыслы норасис. А сійӧ и шуӧ:

— Мыйла тэныд чипсаныс колӧ? Тэ пинь пырыд пӧльышт и чипӧстан. Вӧсниджыка на артмас.

Вурдысь пӧльыштіс и артмис. Петіс гортысь и кутіс чипсыны. А Пышкай и шуӧ:

— На, колӧкӧ, чипсы.

— Оз нин ков, менам аслам эм, тэысь на лӧсьыдджык.