* * *

Гыалӧ саридз — берег дор нӧйтӧ,
Звер моза эралӧ тӧв.
Гы пӧвстӧ шогсӧ, скӧрлунсӧ вӧйтӧ,
Кезмӧдӧ быд ловъя лов.

Шуштӧма, нора шувгӧны бадьяс.
Лэбалӧ ойяӧн каля.
Путкыльӧн уна локтӧны гыяс,
Мыськӧны берег дор галя.

Веж гыӧн гӧгӧр быгъялӧ берег — 
Гы сорӧн вылӧ зэв кайлӧ:
Веглясян ракъяс, ракпаньяс вӧрӧк...
Сявкнитас веж гы да вӧйлӧ.

Качлӧны гыяс, ва чирйыс резсьӧ,
Пӧртмасьӧ дона из молльӧн.
Быд гыӧн берег чышкысьӧ, мыссьӧ,
Быд гы бӧр овмӧдчӧ выльӧн.