* * *

Ветлӧны кымӧръяс. Сьӧда-сьӧд кымӧръяс
Вевттьӧны енэж.
Му вылӧ пемыдӧсь усьӧны вуджӧръяс — 
Пемдылӧ му эж.
Уна йӧз котӧртӧ, дугдывтӧг котӧртӧ
Кытчӧкӧ водзӧ.
Капитал оласног найӧс тай гудыртӧ — 
Петкӧдӧ косьӧ.
Нинӧмысь повтӧга, збоя да веськыда
Мырсьысь морт вошйӧ.
Скӧрмӧмлӧн ӧзйӧмыс ӧзйӧма паськыда,
Нялӧдӧ-чажйӧ.
Быд усьысь местаӧ сюрсъясӧн сувтӧны:
Ёртъяс пӧ водзӧ...
Гӧрд пасӧс крепыда том кияс кутӧны — 
Лэптӧны вылӧ.