* * *

Эн бӧрд, муса нылӧй,
Пальӧдчыны колӧ.
Долыд олӧм тэныд
Мед кӧть коркӧ волас...

Муна овны карӧ,
Пета моски вылас:
Мича нылыс сэки
Менсьым кок шы кылас.

Кок шы менсьым кылас,
Ывла вылас петас, —
Сьӧлӧмӧйлы бара
Сійӧ гажсӧ сетас.

Вӧлӧма кӧ карыд
Эжва сайын ылын;
Йи кылалӧ буретш
Паськыд Эжва вылын.

Дыр-ӧ кутас мунны
Эжва кузя йиыс?!
Дыр-ӧ сьӧлӧм бердысь
Оз кус менам биыс?!

Йиыд регыд кывтас,
Бара туй сэк лоас...
Збыль ӧд, гашкӧ, коркӧ
Гажа луныс воас.