КОБИС 1Югыд зэрыс регыд оліс, Кӧтӧдыштіс мулысь эж, А ӧд кыдзи радлӧ лолыд: Ывла вылыс — вежсьыс-веж! Ӧшкамӧшка енэж шӧрын — Мӧдлапӧлӧ вуджан пос, Быттьӧ мичаник джодждӧра Кодкӧ лэптіс дуригмоз. Сьылӧ колип, сьылӧ пыста, Сьылӧ ӧдзӧснымлӧн дзир. Лышкыдджыка шонді ыстӧ Ставсӧ ловзьӧдана дзирд.2Пиӧй чачаяс кӧрӧбӧ лӧдіс, Ӧдйӧ ывлаӧ уйкнитны мед. Ӧшинь улӧдным котравны мӧдіс Куим гӧгыля велосипед. Кобӧм ывлаӧ бӧрсяньыс петі, Менам унзільӧй быттьӧ эз вӧв. Пиӧй, аддзис да, гӧлӧссӧ сетіс: «Ветлам вуграсьны. Бӧрвылас сӧв».
