БАТЬЛӦН КОЗИНЪЯС

Ветліс батьныс карӧ,
Талун муртса воис.
Мамныс эм кӧть дарӧм, —
Гажаджык пыр лоис.

Первой батьныс сетіс
Мамлы платтьӧ дӧра.
Мамлӧн нюмыс петіс,
Радлӧ со джодж шӧрас.

Васьлы вугыр вайис
Уна-уна пӧлӧс.
Васьӧ пыр и кайис
Вуграсьны ю пӧлӧн.

Олялы, шань нывлы,
Акань лои сетны.
Регыд мысти ывла
Корис нылӧс петны.

Мишлы, ичӧт пилы,
Козин сідз жӧ сюрис:
Кӧть и кутны зілис, —
Мачыд пышйис-тюрис.

Сьӧлӧм вылын долыд,
Ставлӧн радлӧ лолыс.
Унджыкысь мед эськӧ
Батьныс карысь воліс.