БАТЬЛӦН КОЗИНЪЯС

Батьныс суседъяслӧн
Карысь талун воис.
Югыдджык и аслыс
Козинъяссьыс лоис.

Первой батьныс сетіс
Мамлы платтьӧ дӧра.
Мамлӧн нюмыс петіс,
Воськовтіс джодж шӧрӧ.

Васьлы вугыр вайис
Уна-уна пӧлӧс.
Васьӧ важӧн тайӧс
Вӧталӧ нин вӧлі.

Олялы, шань нывлы, —
Акань вайӧмторыс.
Регыд мысти ывла
Петны сійӧс корис.

Мишлы, ичӧт пилы,
Мач со батьлӧн сюрис.
Кӧть и кутны зілис, —
Лабич улӧ тюрис.

Сьӧлӧм вылын долыд,
Ставлӧн радлӧ лолыс.
Унджыкысь мед эськӧ
Батьныс карысь воліс.