ГӦЛЬЛӦН СЬЫЛАНКЫВ

Йӧзлӧн мича, гажа жыръяс —
Шоныд, долыд, лӧсьыд сэн;
Миян — гуын бӧрдӧ челядь:
Сэні кӧдзыд, пемыд нэм.

Йӧзлӧн кӧлысь гажа лунӧ,
Гӧра весьтас кылӧ гор;
Миян быттьӧ кулӧм кузя
Каньным нявзӧ — гӧлӧс нор.

Йӧзлӧн тшынӧдчӧ яй йиркас,
Тёпкӧ муӧ сэтысь гос;
А ми йиркӧ борда шыръяс
Вӧчалӧмны уна поз.

Йӧзлӧн озыр воӧ няньныс —
Изны тырмас дзонь во быд;
Миян вося уджӧн ставнас
Сӧмын ӧти тэльӧб ид.