| ГӦЛЬЛӦН СЬЫЛАНКЫВ | ГӦЛЬ МОРТЛӦН СЬЫЛАНКЫВ |
| Йӧзлӧн мича, гажа жыръяс — | Йӧзлӧн керкаясыс мича — |
| Шоныд, долыд, лӧсьыд сэн; | Шоныд, югыд, гажа сэн; |
| Миян — гуын бӧрдӧ челядь: | Миян челядьлы жӧ вичмӧ |
| Сэні кӧдзыд, пемыд нэм. | Пемыд гуын бӧрдны нэм. |
| Йӧзлӧн кӧлысь гажа лунӧ, | Йӧзлӧн гажа свадьба лунӧ |
| Гӧра весьтас кылӧ гор; | Юргӧ сьыланкывлӧн гор; |
| Миян быттьӧ кулӧм кузя | Миян быттьӧ кодкӧ кулӧм — |
| Каньным нявзӧ — гӧлӧс нор. | Каньлӧн авгӧм кылӧ нор. |
| Йӧзлӧн тшынӧдчӧ яй йиркас, | Йӧзлӧн йиркас быдся бурсӧ |
| Тёпкӧ муӧ сэтысь гос; | Ӧшлӧм гӧгӧр, ставыс тыр; |
| А ми йиркӧ борда шыръяс | Миян йиркын увлань юрӧн |
| Вӧчалӧмны уна поз. | Ӧшйӧм уна бордъя шыр. |
| Йӧзлӧн озыр воӧ няньныс — | Йӧзлӧн няньыс вобыд вуджмӧн — |
| Изны тырмас дзонь во быд; | Тӧждлун налӧн абу, дерт; |
| Миян вося уджӧн ставнас | Миян во гӧгӧрса уджным |
| Сӧмын ӧти тэльӧб ид. | Весиг чуман ид оз сет. |
Комиӧн гижис
Вась Мить
Вась Мить
Комиӧн гижис
Ивö Ёгор
Ивö Ёгор
