ЧОЛӦМ


Чолӧм тэныд, муса вӧля!
Чолӧм, югыд шонді!
Уджалысь йӧз да гӧль йӧз,
Вунӧд ассьыд шогтӧ:
Талун ыджыд праздник лун,
Вежа вӧля ловзис;
Гӧрд плаг улӧ лок да сувт,
Нинӧмысь эн повзьы.
Сьӧкыд пӧра кольӧ бӧрӧ,
Долыд олӧм — водзын...
Озыр йӧзлӧн бырӧ вын,
Лысва моз гож водзын...
Уна синва, уна-й вир
Нэм чӧж гӧль морт кисьтіс,
Вӧлись локтӧ олан дыр,
Код важ олӧм кисьтіс,
Озыр йӧзӧс личкис...
Воча сувтысь, кеж!
Водзӧ, водзӧ знамя нуам:
Вынйӧр гӧльлы сетчас!
Регыд паныд став му вылын
Уджалысь йӧз чеччас.