ВЫЛЬ НИМЪЯС
Выль оланног лунысь-лунӧ чорыдджыка пырӧ йӧз костӧ. Ӧні весиг сиктъясын вунӧдчӧны важсьыс, овмӧдчӧны выль ног. Эновтчыны пондісны вичкоысь, унаӧн нин оз мунны сэтчӧ ни венчайтчыны ни челядьнысӧ пыртны. Сӧмын унаӧн шулывлӧны, колӧ пӧ нимсӧ кагалы выльӧс пуктыны, да ог пӧ куж, колӧ пӧ эськӧ газетын гижны выль нимъяссӧ. Сійӧн татчӧ гижам, кутшӧм нимъяс сеталӧны челядьяслы выль ног олысь йӧз:
Пи нимъяс:
Владимир (Ленин кузя)
Спартак
Прометей
Молоток
Артём
Гений
Декабрин
Карл (Либкнехт кузя)
Ким
Лев (Троцкӧй кузя)
Май
Нинелив (лыддьы бӧрӧн)
Новомир
Октябрин
Октябрь
Ныв нимъяс:
Клара (Цеткин кузя)
Нэлли
Роза (Люксембург кузя)
Лена (Лена ю вылын овліс Ленин)
Декабрина
Звездочка
Майя
Марксиана
Марсельеза
Октябрина
Свобода
Асыв (коми ним)
Важ нимъястӧ вӧлі пуктӧны ылӧсас, кутшӧм матынджык. Мый лоӧ сійӧ нимыс — оз думыштлыны. Эськӧ мукӧд нимсӧ кӧ висьтавны комиӧн — зэв тешкодьӧсь: Ардалион — комиӧн лоӧ «ляксьӧм», Аркадей — скӧт видзысь, Герман — ӧтка пи, Кондрат — нёль пельӧса, Корнилий — сюра, Петыр — из, Клавдия — чотысь,
