АДДЗЫСЬӦМ

Мен мыйкӧ талун лоліс шог зэв
И, кытчӧ воштысьны, эг тӧд.
Кӧть ӧзйис шонді, мог эз могмӧд,
И дзикӧдз вошлісны вын-ӧд.

Кор олан ӧтнад, уна думӧн
Сэк тэнад вежӧрыд век тыр.
Но ассьыд шудтӧ друг он гумовт,
Кӧть нӧшта мича оландыр.

Ме корси сійӧс уна вожысь
И чайті, некытысь оз сюр.
Но друг тэ вайин тувсов гожйӧн,
Кор ӧдзӧс костӧд мыччин юр.

Бӧр садьмис ылавлӧм надея,
И выль ног югдіс ывла свет.
И шуа: кодыр тэа-меа
Ми ӧтлаынӧсь — шог оз пет.

Быд сьӧкыдлун сэк тэкӧд венам,
Мед нинӧм туй вылӧ эз сувт.
И миян олӧм тайӧ нэмас
Став йӧзлы ваяс сӧмын шуд.