СЫКТЫВКАР


Сыктыв ю бокын чӧскыда ӧвтӧ
Пашкыр пуяса вежӧдӧм парк.
Сыктыв нӧрысын сьылӧ да йӧктӧ
Мича ныв-зонма том Сыктывкар.

Сатин платтьӧа визувтӧ юыс,
Шлывгӧ Эжвалань нэм бӧрся нэм.
Уна сёрниа мӧд татшӧм муыс,
Тэ кодь мусаыс кӧнкӧ мӧй эм?

Тэныд кывбуръяс лыддьӧ Куратов —
Коми мунымлӧн кувлытӧм пи.
Тэнад паметьын усьӧм салдатъяс —
Ӧзйӧ морӧсад Куслытӧм би.

Кӧдзыд войвылын, Сыктыв ю дорын,
Уна кывъя йӧз аддзисны ин.
Ылӧдз нималан йӧлӧга горӧн
Важ зыряналӧн радейтчанін.

Тэнад синъясын кӧчасьӧ шонді,
Джуджыд енэжлань кыпалысь кар.
Аслад лов шыӧн войтырсӧ шонты,
Ов да выв, Усть-Сысольск — Сыктывкар.