ОШПЕЛЬ

Сійӧ ӧд Ошпель старик. Сера Семко Гришкалӧн кабак вӧлі, ӧні тай нырдас сэтӧн Мыжыын больнича лӧсьӧдлісны сэтчӧ. Сэсся Ошпель старикыс дежуритӧ винасӧ, быдсӧн четвертьяс, шкальчикъяс, поллитра, винасӧ караулитӧ. Сэсся сійӧ корӧны гӧсти, чай юны. Воас сэтчӧ, пуксяс чай юны. А быдсямасӧ нин пызан вылас ваясны, вина и, быдсӧн и.

Ошпель старик тай вӧлі висьталӧ: «Грек ли мый ли мен тшӧктіс бара пасъясьны». Дӧскансӧ таркнитӧма да пасъясьӧма-а, нинӧмыс абу кольӧма, толькӧ куш голяяс пызан вылас, вӧв голяяс пызаныс местаӧ. Кодъяс пуксьӧдалісны, ни ӧти морт абу ни, нинӧм сэсся абу, чашка ни нинӧм абу кольӧма. Толькӧ вӧв голяяс. Закуситны бара сійӧс корлӧмаӧсь голяяснас. Сійӧ ӧд лешакъясыс вӧліны, эз вӧв народ.

Ошпельыс ӧд Мыжыын оліс, ки ота вӧлі-а, сійӧ пуртӧн эз, кӧр ли мый ли, кинас и кулис. Сэтшӧм сійӧ Ошпель старик. Сэтӧн сійӧ важысянь нин оліс. Мӧс кулис, вӧв, кӧр. Семьяыс ставыс кулісны Ошпельыслӧн. Ачыс нин куліс старикыс и.

Ошпель стариксӧ тӧда. Миян Прос Максим дядьӧяслысь на мӧс кулис да ме висьтала, мися, мый нӧ, пурттӧг тай нӧ кулян да!? Висьталӧ: «Мый нӧ пуртсьыс!» Ыджыд старик вӧлі. Абу ош кодь, морт кодь вӧлі-а, сэтшӧм ён вӧлі, ён мужик. Сылӧн вӧлі катыдын керкаыс, шор кодь тай выйим, но соимас катыдын сэтӧн сылӧн керкаыс вӧлі.

Сэтшӧм мыйкӧ пыр маличаӧн ветлаліс. Вексянь нин кулӧма. Баба вӧлі, старука. Старукаыс ӧтнас. А челядьыс кӧнкӧ, гашкӧ, эз вӧв да. Ме вот сійӧс ог бура и помнит.