ПОЖӦМ Сиӧма Е. С. ГуляевлыСись кодь пожӧмыс парма нӧрысын, Вежсӧ петкӧдліс коръя вӧрыслысь Аслас джуджданас, топыд сьӧвмӧснас. Кыдзьяс, козпиян подъяс сӧвмисны: «Коркӧ верстямман ӧмӧй тадзнадтӧ — Кыптӧм миянлысь лапнас надзмӧдӧ, Оз сет апыштны пӧттӧдз сынӧдсӧ, Ньӧжйӧ чукӧрмӧ-содӧ вын-эбӧс...» — Понӧль йылӧмыс тадзи дольлісны. Сӧмын регыд тай восьсӧн колисны, Ыджыд бушколыс ӧти пӧраӧ Кодыр пожӧмӧс швачкис-пӧрӧдіс. Ӧні быдторйыс налы вичмывлӧ: Лымйыс тӧвъяснас муӧдз личкывлӧ, Зэрыс мӧрччывлӧ лы-сьӧм пытшкӧдзныс, Кӧдзыд вой тӧлыс сотӧ-бытшйӧдлӧ, Шонді чишкалӧ, воас гожӧм кӧ... Сьӧкыд олӧмыс вына пожӧмтӧг.
