ЧЕЛЯДЬЛӦН КОНЦЕРТ

А. А. Католиковлы, Сыктывкарса школа-интернатысь директорлы.
Висьтавны кывъясыс меным оз сюрны, синъяс мый аддзӧны, мый кылӧ пельӧй... сьывны да ворсны кор петӧны челядь. Занавес воссьӧ, и сынӧдыс юргӧ, Сынӧдыс гымалӧ чолӧмъяс шыӧн, ки пыдӧс, кыла ме, некод оз жалит, ӧтвылысь накӧд тшӧтш, кажитчӧ, сьылӧ нюмӧн да биясӧн йиджтысьӧм залыс. Сьылӧны челядь да йӧктӧны челядь, му вылын медшуда, медмича быдмӧг. Бать-мамӧн эновтӧм, зэв на и дзоля зон аслас ыджыдджык ёртъяскӧд быдмӧ. Сійӧ оз помнит ни батьсӧ, ни мамсӧ, весиг оз аддзывлы найӧс и вӧтын... Мукӧдъяс содтӧны челядьлы сямсӧ, мичаӧсь, кыпыдӧсь найӧ и пӧтӧсь. Век жӧ, он дзеб наысь некытчӧ сійӧс, гажаа кывтӧ кӧть челядь дыр кадыс, — мыйла оз лелькуйтны мамъяслӧн кияс, мукӧдлӧн бать-мам эм, а налӧнсӧ абу? ... На лыдысь ӧти со пырӧ да пуксьӧ, нывбаба, пуклӧслӧн медся нин помӧ... Висьтавны арлыдсӧ ачым ме дзугся, аддза кор ас серти ёнджыка томӧс. Мичлунсӧ важӧнкодь сотӧма сылысь сійӧ, мый мортӧс няйт гуранӧ йӧткӧ... ...Челядькӧд, дзоргӧ, гӧрд галстука нылыс йӧз водзын медбура сьылӧ да йӧктӧ. Юралӧ залыс, а нывбаба бӧрдӧ: мам ним эз весьшӧрӧ мырддьыны сылысь... Аслас жӧ олӧмыс ас вылас гӧрдлӧ, колльӧдӧ ныв дінсьыс мӧд туйӧ ылӧдз... Челядьлӧн олӧмыс мича да ясыд. Мед найӧ синва да шоглун оз тӧдны!
Гижӧд
Челядьлӧн концерт
Жанр: 
Пасйӧд: 

1988-ӧд вося редакцияын тайӧ кывбурлӧн нимыс лоӧма "Бать-мам да наӧн эновтӧм челядь йылысь". http://komikyv.org/kpv/node/34549

lkejrlkelkrgner klrjnelknfrkl ekjnrjkenfrej

1