БАТЬ-МАМ ДА НАӦН ЭНОВТӦМ ЧЕЛЯДЬ ЙЫЛЫСЬ

А. А. Католиковлы, коді быдтӧ эновтӧм челядьӧс
Висьтавны кывъясыд меным оз сюрны, синъяс мый аддзӧны, кылӧ мый пельӧй. Занавес воссьӧ, а сынӧдыс юргӧ, ворсны да сьывны кор петӧны челядь. Сынӧдыс гымалӧ чолӧмъяс шыӧн, ки пыдӧс, кыла ме, некод оз жалит, ӧтвылысь челядькӧд, кажитчӧ, сьылӧ нюмӧн да биясӧн йиджтысьӧм залыс. Сьылӧны челядь и йӧктӧны челядь, му вылын медмича, медшуда быдмӧг. Бать-мамӧн эновтӧм зэв на и дзоля зон аслас ыджыдджык ёртыскӧд быдмӧ. Сійӧ оз помнит ни батьсӧ, ни мамсӧ, весиг эз аддзывлы найӧс и вӧтӧн... Мукӧдъяс содтӧны челядьлы сямсӧ. Мичаӧсь, кыпыдӧсь найӧ и пӧтӧсь. Век жӧ, он дзеб наысь некытчӧ сійӧс, — гажаа кывтӧ кӧть челядьдыр кадыс, — мыйла оз лелькуйтны мамъяслӧн кияс, мукӧдлӧн бать-мам эм, — зонмыслӧн абу... ...На лыдысь ӧти со пырӧ да пуксьӧ нывбаба, пуклӧслӧн медся нин помас, висьтавны арлыдсӧ ачым ме дзугся, ас серти аддза кор ёнджыка томӧс. Мичлунсӧ важӧн нин сотӧма сылысь сійӧ, мый морттӧ няйт гуранӧ йӧткӧ... Музыка юргӧ, а нывбаба бӧрдӧ: мам ним эз весьшӧрӧ мырддьыны сылысь. Аслас жӧ олӧмыс ас вылас гӧрдлӧ, колльӧдӧ пи дінсьыс мӧд туйӧ ылӧ... Челядьлӧн олӧмыс мича да ясыд, оз, найӧ синва да шоглун оз тӧдны. Нэмыс мед бӧрдӧны, кодъяслӧн пасыс бать-мамлӧн ӧбликкӧд ньӧти оз рӧдмы!
Гижӧд
Бать-мам да наӧн эновтӧм челядь йылысь
Жанр: 
Пасйӧд: 

1982-ӧд вося редакцияын кывбурлӧн нимыс вӧлӧма "Челядьлӧн концерт". Кывбуръяслӧн помъясыс торъялӧны. http://komikyv.org/kpv/node/34936

lkejrlkelkrgner klrjnelknfrkl ekjnrjkenfrej

1