КУВЛЫТӦМ НИМЪЯС
Паметьысь вошӧма важӧн кокниа кылалӧм лун, сӧмын тай кӧдзыд блиндажӧй мыйлакӧ некыдз оз вун. Ланьтліс кор гым шы сьӧд войын, дзебсьывлім сэтчӧ сэк ми, ловъяяс, кодъясӧс бойын пуля эз дойд либӧ ви. Пӧрччысьтӧг сідз сэк и водлім, вок бердӧ водӧ кыдз вок, юасьтӧг, ветлыны кодлы, вайны мед кӧдзалӧм рок. Тшыналіс му джоджын пеша — гильзаӧ зэлӧдӧм кӧв. Сёрни, дерт, пансьыліс шоча, сьӧлӧмъяс эз тӧдны чӧв... Медбӧръя вой, гашкӧ, шонтӧ кодӧскӧ кӧдзыд блиндаж... Ми бӧрын кыдз сэсся пондас выль йӧзлӧн пуксьыны гаж? Некор оз лэдз мортлӧн вежӧр, мӧвпалім, кыпӧдны кось, весиг и тыбокса эжӧр дой вӧчны лоас зэв ёсь. Ловъя ме... На водзын яндзим, кодъяслӧн оз кувлы ним, кыла, кор ас синмӧн аддза, вевттьӧ кыдз енэжсӧ сім... Мортӧн мӧй нимтанныд сійӧс, бара код дась кисьтны вир? Ачыс Иудалӧн пи моз чегъялас пеж сьылідзир!
Гижӧд
Кувлытӧм нимъяс
Жанр: 
Пасйӧд: 

1978-ӧд воын тайӧ кывбурыс петавлӧм «Ловъя паметь» ним улын:http://komikyv.org/kpv/node/34860

1988-ӧд вося редакцияын тайӧ кывбурыс пырлӧма «Сыктывкарын некор куслытӧм би» кывбур циклӧ: http://komikyv.org/kpv/node/34660

lkejrlkelkrgner klrjnelknfrkl ekjnrjkenfrej

1