СИНТӦМ МАМ
Пуксьы вурсян дінад, Да тэ зіля вур; Гырддза аддзан синнад, Курччыныд оз сюр. Кӧнъя кодкӧ сьылӧ — Он тай ылӧд на Синтӧм мамтӧ, нылӧ, — Сьылӧ тэ вӧсна! Кор тэ емтӧ босьтан? Кытчӧ, кокньыд юр? Чеччан — ӧшинь восьтан? Лисук, вур тэ, вур! Шуан, пӧсялін тэ — Гашкӧ, пӧсялан... Ӧшинь дорад синтӧ Сылы вӧчалан. Эн пов, быдсӧ тӧда, Ачым вӧвлі том; Кодыр вӧлі мӧда, Эз жӧ кутлы дом... Татшӧм уджнад... Кылӧ Ӧдзӧс дзур-дзур-дзур... Коді тэкӧд, нылӧ? Лисук, вур, вур, вур! Ӧдзӧс тӧлӧн воссис — Висьтав мукӧдлы! Кытысь инӧ босьтсис Понлӧн пиняс лы? Пӧрысь мамтӧ кыян, Да эз лок на кад. Тӧлыс ветлӧ тіян Кокньыд юръясад! Пыр тэ керан паныд... Мый нӧ мем? Эн дур! Кылӧ — окасянныд... Лисук, вур тэ, вур! Мый нин? Гулюпиӧс Ковмис окавны? Лэдз тэ, бур ань, сійӧс, Нем сэн кокавны... Окасьнытӧ чӧскыд, Он тай паныдась, А кор лоас дзескыд, Мусук янӧдас. Видза пыр со дінын, Меся мед сідз бур... Вашкӧм узянінын! Лисук, вур тэ, вур! Унмыд локтӧ ёна? Тэныд тайӧ ун Сувтас вывті дона, Кувтӧдзыд оз вун. Сідзи кӧ тэ узян, Воштан эбӧс-вын, Сер вывсьыд тэ усян, Сотчан ас вирын... Вуштас та ун мичтӧ, Лёкджык шог оз сюр — Лисук, асьтӧ видз тэ, Лисук, вур тэ, вур!
Вуджӧдысь: 
Гижӧд
Синтӧм мам
Жанр: 
Гижан кад: 
Оригинал гижысь
Pierre-Jean de Béranger
Оригинал ним
La mère aveugle

lkejrlkelkrgner klrjnelknfrkl ekjnrjkenfrej

1