ТОЛЭЗЬЛЭН ТУСЫЗ

Одӥг удмуртлэн кышноез кулэм но, со туж лек бултыр кышно басьтэм. Сюрнылзэ та бултыр кышно ужатэмысь уг ик висъя вылэм: пудо сюдытэ, гур эстытэ, ву нуллытэ, выж миськытэ, — озьы но со нылзэ тышкаськемысь, жугемысь уг дугдылы, пе, вал.

Огпол толалтэ чар кезьыт ӵукна ӵук, вор-вор толэзё дыръя, сюрныл карнанэн вулы мынэм. Люкмесысь ву омыртыкуз бӧрдэм, бӧрдэм но, — «та толэзь коть мед басьтысал монэ», — шуэм.

Толэзьлы сирота ныл жаль потэм: сое со ведра карнанэныз валче ас бордаз ӝутэм.

Уйин югыт толэзь шоры учкид ке, адӟод: со ныл али ке но ведра карнанэныз сылэ.