КОӴЫШПИ ДЫШЕТСКЕ

Улэм-вылэм коӵыш аслаз пичи, шузи пиеныз. Огпол со коӵышпи корка липет вылысь шунды пиштэмез адӟем но отчы тубем, сое маке ческыт сион кожаса.

Карнизысен липет пуме кечырске вылэм но, олокытысь ӟольгыри шуак! лобӟем.

— Э, нырысь ик мон тае сио али, — шуыса малпам но ӟольгыри сьӧры уиськем. Кутэмез луымтэ, липет йылысь усем.

Коӵыш пизэ буйгатыса шуэм:

— Тынад ужед — шыран гинэ.

Коӵышпи мумиезлэсь визьмамзэ кылзэм, ноку но уг вунэты ни шуыса, аслыз ачиз кыл сётэм.

Кӧня ке улыса, коӵышпи сике мынэм, шыраны шуыса. Одӥг шыр кутэм но мумизлы возьматыны бертэ, пе, ини.

Солы пичи шур вамен пуӵ вылтӥ потоно луэм. Вуэ учкем но, отын кыӵе ке мукет коӵышпи озьы ик ымаз шырен кошке, пе.

Нош ик ас понназ малпам:

— Со коӵышпилэсь шырзэ талай ке, кык луоз.

Ымысьтыз шырпизэ лэзем но вуэ тэтчем. Нокинэ кутыны быгатымтэ, ӧжыт гинэ йырыз бырымтэ: котмыса, наштаськыса нош ик мумиз доры вуэм.

Коӵыш сое табере буйгатымтэ ни: ӧжытак йӧттэм но шуэм:

— Эн вунэты ас уждэ — шыраны тон вордскемын. Оломар сьӧры но эн уйиськылы.

Коӵышпилы тӥни со гинэ визь луэм ини.